दापोली तालुक्यातील सारंग (बौद्धवाडी) परिसरात राहणाऱ्या 40 वर्षीय रुपेश दामु मोहीते यांनी घरातच गळफास घेऊन आत्महत्या केल्याची धक्कादायक घटना उघडकीस आली आहे. घरात दोन–तीन दिवस लाईट न लागल्याने ग्रामस्थांना संशय आला आणि त्यांनी घटनास्थळी जाऊन पाहणी केली असता ही घटना समोर आली.
दापोली पोलिसांनी दिलेल्या माहितीनुसार, रुपेश हे काही दिवसांपासून घरात एकटे होते. त्यांच्या पत्नी आणि मुलांसह माहेरी गेलेल्या होत्या, तर आई बहिणीकडे मुंबईला गेली होती. या काळात घरात लाईट दिसत नसल्यामुळे शेजारी राहुल बाळाराम मोहीते यांना वसंत गंगाराम मोहीते यांनी माहिती दिली की रुपेश यांचा काही दिवसापासून कुठेही ठावठिकाणा दिसत नाही. यावरून राहुल, वसंत मोहिते आणि सुनील गमरे यांनी त्यांच्या घरी जाऊन दरवाजा ठोठावला. दरवाजा उघडल्यावर हॉलच्या बाजूला असलेल्या खोलीकडे गेले असता लाकडी शिडी दिसली आणि
त्यावरून पाहिले असता रुपेश मोहीते यांनी घराच्या पत्र्याच्या लोखंडी अंगलाला नायलॉन दोरीच्या साहाय्याने गळफास घेतलेला आढळला. ही दृश्य पाहून उपस्थित सर्व ग्रामस्थांस धक्का बसला.
ग्रामस्थांनी रुपेश यांना तातडीने दापोली उपजिल्हा रुग्णालयात नेले. वैद्यकीय अधिकाऱ्यांनी तपासणी केल्यानंतर त्यांना मृत घोषित केले.
घटनेची माहिती मिळाल्यानंतर गावातील पोलिस पाटील सुचित्रा संतोष पेंढारी यांनी दापोली पोलिसांसह घटनास्थळी भेट देऊन पंचनामा केला. आत्महत्येचे नेमके कारण अद्याप स्पष्ट झालेले नाही, मात्र पोलिसांचा प्राथमिक अंदाज असा आहे की कौटुंबिक वादातून ही घटना घडली असावी. या आत्महत्या मागचं नेमकं कारण अद्याप समजू शकलेले नाही मात्र कौटुंबिक वादातून ही आत्महत्या झाली असावी असा प्राथमिक अंदाज पोलिसांनी व्यक्त केला आहे.
कुटुंब आणि परिसरात हळहळ व्यक्त केली जात आहे. रुपेश याच्या पश्चात आई विवाहित बहिणी पत्नी दोन मुले असा मोठा परिवार आहे. पत्नी मुलांसोबत माहेरी गेली होती तर आई बहिणीकडे मुंबई येथे गेली होती त्यामुळे रुपेश एकटाच होता. रुपेश हा उत्कृष्ट गवंडी काम करत असे त्याच्या जाण्याने त्याचा
मित्रपरिवार व ग्रामस्थांनाही मोठा धक्का बसला आहे परिसरातून या घटनेने हळहळ व्यक्त केली जात आहे. या घटनेची नोंद दापोली पोलीस ठाण्यात करण्यात आली असून अधिक तपास दापोली पोलीस करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
