रत्नागिरी जिल्ह्यातील राजापूर तालुक्यातून हृदयद्रावक घटना समोर आली आहे, जिथे एका १३ वर्षीय मुलीचा पंख्याच्या विजेचा धक्का लागून दुर्दैवी मृत्यू झाला. स्वरांगी संदीप गिजम (वय १३, रा. धाऊलवल्ली, गिजमवाडी, राजापूर) असे मृत मुलीचे नाव आहे.
या घटनेमुळे संपूर्ण राजापूर तालुक्यात हळहळ व्यक्त होत आहे.
प्राथमिक माहितीनुसार, ही दुर्दैवी घटना त्यावेळी घडली जेव्हा स्वरांगीच्या घरात कोणीही नव्हते. घरातील सर्व सदस्य शेतात कामासाठी गेले होते.
अशावेळी स्वरांगीचा पंख्याच्या वायरला हात लागला आणि तिला विजेचा जोरदार धक्का बसला. घरात कोणीही नसल्याने तिला तातडीने मदत मिळू शकली नाही, ज्यामुळे तिचा जागीच मृत्यू झाला.
या घटनेची माहिती मिळताच स्थानिक पोलिसांनी घटनास्थळी धाव घेतली. पोलीस या प्रकरणाचा अधिक तपास करत आहेत.
एका क्षणात होत्याचे नव्हते झालेल्या या घटनेमुळे गिजम कुटुंबावर दुःखाचा डोंगर कोसळला आहे. धाऊलवल्ली गावात शोककळा पसरली असून, निष्काळजीपणामुळे घडलेल्या या घटनेने विजेच्या उपकरणांच्या सुरक्षिततेचा प्रश्न पुन्हा ऐरणीवर आणला आहे
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
