चिपळूणमध्ये मुसळधार पाऊस सुरु आहे. मुसळधार पावसामुळे धक्कादायक दुर्घटना घडली आहे. चिपळूणमधील DBJ कॉलेजची संरक्षक भिंत कोसळून एका विद्यार्थ्यांचा मृत्यू झाला आहे.
कोसळलेल्या भिंतीखाली दबून एका विद्यार्थ्यांचा मृत्यू झालाय. दरम्यान भिंत कोसळल्यानंतर शोधाशोध सुरु असताना एक विद्यार्थी बेपत्ता असल्याचं समोर आलं मात्र नंतर मातीच्या ढिगाऱ्याखाली विद्यार्थ्यांचा मृतदेह आढळला आहे.
मूळचा दापोली तालुक्यातील देहगाव येथील व सध्या लोटे येथे राहून डीबीजे कॉलेजमध्ये कम्प्युटर सायन्सचे शिक्षण घेणारा सिद्धांत प्रदीप घाणेकर, वय १९ हा काल दुपारपासून बेपत्ता होता. त्याचा शोध घेतला जात होता. त्याच्या मोबाईलचे लोकेशन कॉलेजच्या या संरक्षक भिंतीच्या येथे दाखवले गेले.
अखेर आज शनिवारी ही कोसळलेली संरक्षक भिंत बाजूला करण्यात आली. याखाली सिद्धांत घाणेकर याचा मृतदेह आढळला आहे. या घटनेमुळे कॉलेज प्रशासनाने कॉलेज बंद ठेवण्याचा निर्णय घेतला आहे अशी माहिती आहे. दरम्यान या घटनेमुळे शिक्षक आणि विद्यार्थीनी नाराजी व्यक्त करीत या अपघाताची चौकशी झाली पाहिजे व संबंधित ठेकेदारांवर कारवाई झाली पाहिजे अशी मागणी करू लागले आहेत.
निष्काळजी पणामुळे एका निष्पाप विद्यार्थ्यांचा मात्र नाहक जीव गेला असल्याने प्रशासनाने याची वेळी चौकशी करावी अशी बोलले जात आहे.
डीबीजे कॉलेज येथे कोसळलेल्या संरक्षक भिंतीखाली सापडला विद्यार्थ्यांचा मृतदेह-शिक्षक व विद्यार्थ्यांमध्ये संताप व्यक्त केला जातोय.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
