मुरुड येथील बहुचर्चित असलेल्या साई रिसोर्ट मधील सुमारे १ लाख २ हजार ८०० रुपये किमतीचे साहित्य चोरीला गेल्याची तक्रार दापोली पोलिस ठाण्यात दाखल झाली.
याप्रकरणी अज्ञात चोरट्याविरोधात गुन्हा दाखल करण्यात आला आहे.याबाबत दापोली पोलिसांनी दिलेल्या माहितीनुसार गेले अनेक दिवस मुरुड येथील साई रिसोर्ट बंद असल्याचा फायदा घेऊन चोरट्याने या रिसोर्टच्या रिसेप्शन हॉलच्या सामोरील खोलीच्या गॅलरीमध्ये प्रवेश केला.
गॅलरीच्या स्लायडिंगची खिडकी उचकटून आत प्रवेश करून ६० हजार रुपये किमतीची ३ हजार मीटर पीव्हीसी वायर, ३० हजार रुपये किमतीचे एसी करिता वापरलेले १ हजार ७०० फूट लांबीचे तांब्याचे पाईप, ६ हजार ४०० रुपये किमंतीचे वाथरूममध्ये बसवलेले १६ नळ, ६ हजर ४०० रुपये किमतीचे बाथरूममध्ये बसवलेले १६ शॉवर असा एकूण १ लाख २ हजार किमतीच्या ऐवजावर डल्ला मारला आहे.
रोहन अशोक केळसकर यांनी या चोरीची दापोली पोलीस ठाण्यात तक्रार दिली असून अज्ञात चोरट्याविरोधात गुन्हा दाखल करण्यात आला आहे. अधिक तपास उपनिरीक्षक यादव करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
