गुहागर तालुक्यातील पालपेणे येथे अवैधरीत्या खैर लाकडाची वाहतूक करणाऱ्या वाहनावर वनविभागाने धडक कारवाई केली आहे. या कारवाईत बोलेरो टेम्पो आणि खैर लाकूड असा एकूण सुमारे सहा लाख रुपये किमतीचा माल जप्त करण्यात आला आहे.
पालपेणे कुंभारवाडी येथे खैर लाकडाची चोरी होत असल्याची तक्रार सोन्या शिवराम पालकर यांनी दाखल केली होती. या तक्रारीनुसार गुहागर वनपरिक्षेत्रातील पथकाने तत्काळ कारवाई करत, विनापरवाना वाहतूक होत असलेला ४.३२० घनमीटर सोलीव किटा (खैर) आणि त्यासाठी वापरलेला बोलेरो टेम्पो (एमएच-०८-एपी-५२३६) असा माल ताब्यात घेतला.
जप्त खैर लाकडाची अंदाजित किंमत ₹१ लाख, तर टेम्पोची किंमत सुमारे ₹५ लाख आहे. दोन्ही वस्तू सध्या वनविभागाच्या ताब्यात असून, वाहनचालकाला चौकशीसाठी अटक करण्यात आली आहे. पुढील तपासासाठी प्रकरण वनविभाग कार्यालय, चिपळूण येथे वर्ग करण्यात आले आहे.
या कारवाईदरम्यान पंचनामे व संबंधित कागदपत्रांची पूर्तता करण्यात आली आहे. विभागीय वन अधिकारी (चिपळूण), सहायक वनसंरक्षक (चिपळूण) आणि परिक्षेत्र वन अधिकारी यांच्या मार्गदर्शनाखाली वनपाल गुहागर आणि वनरक्षक अडूर यांनी ही प्रभावी कारवाई केली.
वनविभाग अवैध वृक्षतोड आणि तस्करीवर अंकुश ठेवण्यासाठी कटिबद्ध असल्याचे या कारवाईतून पुन्हा एकदा स्पष्ट झाले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
