रत्नागिरी तालुक्यातील बावनदी परिसरात पोहण्यासाठी उतरलेल्या हातखंबा येथील ३५ वर्षीय तरुणाचा पाण्यात बुडून मृत्यू झाल्याची दुर्दैवी घटना सोमवारी दुपारी घडली.
सचिन सुरेश सनगरे (रा. हातखंबा सनगरेवाडी) असे मृत तरुणाचे नाव असून, या घटनेमुळे हातखंबा व परिसरात हळहळ व्यक्त होत आहे.
सोमवारी दुपारी साडेतीनच्या सुमारास सचिन सनगरे व मिलिंद पांडुरंग सनगरे हे ‘गावात जातो’ असे सांगून घरातून बाहेर पडले होते. मात्र, ते थेट बावनदीच्या काठावर पोहोचले. प्रखर उन्हामुळे थंडावा मिळावा म्हणून नदीत उतरायचे ठरवले. धरणाच्या खालच्या बाजूला, पुलाच्या वरच्या भागात असलेल्या खोल डोहात सचिन पोहण्यासाठी उतरले. मात्र, पाण्याची खोली व प्रवाहाचा अंदाज न आल्याने ते अचानक बुडू लागले.
ही स्थिती लक्षात येताच मिलिंद सनगरे यांनी मदतीसाठी जोरात आरडाओरडा केला. आवाज ऐकून परिसरातील ग्रामस्थ तत्काळ घटनास्थळी दाखल झाले. त्यांच्या मदतीने सचिन यांना पाण्यातून बाहेर काढून तातडीने जिल्हा शासकीय रुग्णालयात दाखल करण्यात आले; मात्र डॉक्टरांनी उपचारापूर्वीच त्यांचा मृत्यू झाल्याचे घोषित केले.
घटनेची माहिती मिळताच ग्रामीण पोलीस ठाण्याचे पोलीस निरीक्षक राजेंद्र यादव यांनी सहकाऱ्यांसह घटनास्थळी भेट देऊन पाहणी केली. या प्रकरणी पंचनामा करण्यात आला असून, आकस्मिक मृत्यू म्हणून नोंद करण्यात आली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
