रामराजे महाविद्यालयाच्या राष्ट्रीय सेवा योजना (NSS) विभागातर्फे तालुक्यातील ओळगाव येथे आयोजित सात दिवसीय श्रमसंस्कार निवासी शिबिर उत्साहात पार पडले. सामाजिक भान, ग्रामविकास आणि विद्यार्थ्यांच्या व्यक्तिमत्त्व विकासाचा सुंदर मेळ साधणारे हे शिबिर ग्रामस्थांच्या सक्रिय सहभागामुळे अधिक यशस्वी ठरले.
उद्घाटन सोहळा दर्जेदार उपस्थितीत
शिबिराच्या उद्घाटनप्रसंगी महाविद्यालयाचे प्राचार्य डॉ. अशोक निर्बाण, व्यवस्थापन समितीचे अध्यक्ष डॉ. दीपक हर्डीकर, समन्वयक प्रा. जालिंदर पाटील, गाव अध्यक्ष सुरेश कासेकर, उपसरपंच . अक्षता आग्रे, पोलिस पाटील नरेंद्र मांजरेकर आणि अन्य मान्यवरांनी उपस्थित राहून विद्यार्थ्यांचे मार्गदर्शन केले.
विषयतज्ञांची मार्गदर्शक व्याख्याने
शिबिरादरम्यान अनिश पटवर्धन, प्रा. माधव गवाणकर, डॉ. तुषार लिंगायत, प्रा. कुणाल मंडलिक, पांडुरंग उबाळे,. महेंद्र जालगावकर यांनी आरोग्य, समाजाभिमुख उपक्रम आणि व्यक्तिमत्त्व विकासाशी संबंधित प्रभावी व्याख्यानांद्वारे विद्यार्थ्यांना दिशा दिली.
विद्यार्थ्यांकडून ग्रामस्वच्छता व विकासकामे
ग्रामस्थांच्या सहकार्याने स्वयंसेवक विद्यार्थ्यांनी विविध विकासकामांमध्ये श्रमदान केले.
✔ बंधारे बांधकाम
✔ पाणवाटा, पाखाडी, विहिरी व तळी स्वच्छता
✔ मंदिर परिसर स्वच्छता
✔ जि.प. शाळेच्या परिसरातील स्वच्छता व सुशोभीकरण
या सर्व उपक्रमातून विद्यार्थ्यांनी ग्रामविकासाची प्रत्यक्ष शिकवण अनुभवली.
सक्रिय सहकार्यामुळे शिबिर यशस्वी
शिबिराच्या यशात कार्यक्रम अधिकारी प्रा. संतोष येसावरे, प्रा. अंकिता दळवी,–ओळगाव ग्रामपंचायत सरपंच नरेंद्र मांडवकर, NSS विद्यार्थी प्रतिनिधी. साहिल केंद्रे व. समिक्षा चांदे यांचे विशेष योगदान लाभले.
महाविद्यालयाचे संस्थापक. संदीप राजपुरे आणि संस्थाध्यक्षा. स्मिताली राजपुरे यांचे मार्गदर्शन शिबिरभर लाभत राहिले.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
