दापोली येथील पोलीस ठाण्यात चौकशीसाठी आलेल्या आईला तिच्याच मुलाने पोलीस ठाण्यात शिवीगाळ करून खाली पाडून मारहाण केल्याची धक्कादायक घटना घडली आहे.
याप्रकरणी पोलिसांनी मुलावर गुन्हा दाखल केला आहे. पोलिसांनी दिलेल्या माहितीनुसार, जालगाव लष्करवाडी येथील सुरेखा गजानन कणकेकर (७०) आणि त्यांचा मुलगा विनायक गजानन कणकेकर (३४) हे दापोली पोलीस ठाण्यात सकाळी १०.३० वाजता चौकशीसाठी आले होते.
चौकशी सुरू असतानाच विनायकने जमिनीच्या वादातून आपली आई सुरेखा यांना शिवीगाळ केली आणि त्यांना खाली पाडले. त्यानंतर त्याने लाथाबुक्क्यांनी त्यांना मारहाण केली.
या मारहाणीत सुरेखा यांच्या डाव्या हाताचे मधले बोट मोडले असून, त्यांना उपचारासाठी उपजिल्हा रुग्णालयात दाखल करण्यात आले आहे. सुरेखा कणकेकर यांनी आपल्या मुलाविरोधात दापोली पोलीस ठाण्यात तक्रार दाखल केली आहे. पोलिसांनी गुन्हा दाखल केला असून, सहाय्यक पोलीस उपनिरीक्षक अशोक गायकवाड या प्रकरणाचा तपास करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
