दापोली-दाभोळ रस्त्यावर सार्वजनिक शौचालयासमोर गांजा विक्री करणाऱ्या एका महिलेला दापोली पोलिसांनी अटक केली. तिच्याकडून ८०० रुपये किमतीचा ६० ग्रॅम गांजा जप्त करण्यात आला आहे.
ही कारवाई काल, ८ मे रोजी सायंकाळी ७:२५ वाजता करण्यात आली. याबाबत पोलीस हवालदार स्वप्नील शिवलकर यांनी दापोली पोलीस ठाण्यात फिर्याद दाखल केली आहे. फिर्यादीनुसार, दापोली-दाभोळ रोडवर सार्वजनिक शौचालयाच्या पूर्वेकडील बाजूला एका कांदा- बटाटा विक्रीच्या हातगाडीजवळ ही महिला संशयास्पद स्थितीत आढळून आली.
पोलिसांनी तिची तपासणी केली असता, तिच्याजवळ अंदाजे ८०० रुपये किमतीचा ६० ग्रॅम गांजा विक्रीसाठी ठेवलेला आढळला. आरोपी महिलेवर अमली पदार्थ विरोधी कायदा १९८५ चे कलम ८ (क) आणि २२ (अ) अन्वये गुन्हा दाखल करण्यात आला आहे
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
