दापोली बाजारपेठेतील चिल्लंगी मोहल्ला येथे एका नवीन बांधकाम सुरू असलेल्या इमारतीच्या टेरेसवर गांजा या अंमली पदार्थाचे सेवन करताना एका २८ वर्षीय तरुणाला पोलिसांनी ताब्यात घेतले.
ही कारवाई ४ मे २०२५ रोजी रात्री २२.५० वाजण्याच्या सुमारास करण्यात आली. पोलिसांनी दिलेल्या माहितीनुसार, आरोपी मोहम्मद जमा इस्तफाक अहमद शेख (वय २८, मूळ रा. दर्गजोत संत कबीर नगर, उत्तरप्रदेश, सध्या रा. दापोली चिल्लंगी मोहल्ला) हा दापोली बाजारपेठ येथील एका इमारतीच्या टेरेसवर गांजा ओढत असल्याची माहिती दापोली पोलिसांना मिळाली.
त्यानुसार पोलीस कॉन्स्टेबल उदय केशव टेमकर यांनी घटनास्थळी छापा टाकला आणि शेख याला गांजा सेवन करताना रंगेहाथ पकडले. याप्रकरणी पोलीस कॉन्स्टेबल उदय टेमकर यांच्या फिर्यादीवरून दापोली पोलीस ठाण्यात अंमली पदार्थ विरोधी कायदा १९८५ चे कलम ८(क), २७ अन्वये गुन्हा दाखल करण्यात आला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
