दापोली तालुक्यातील वणीशी तर्फे पंचनदी येथील भरणेवाडी रोडवरील एक बंद घर फोडून अज्ञात चोरट्याने ७२ हजार रुपयांची रोकड लंपास केल्याची घटना उघडकीस आली आहे. याप्रकरणी दाभोळ पोलीस ठाण्यात अज्ञात चोरट्याविरुद्ध गुन्हा दाखल करण्यात आला असून पोलीस अधिक तपास करत आहेत.
याबाबत पोलिसांनी दिलेल्या माहितीनुसार, फिर्यादी प्रदीप नारायण मयेकर (वय ६८, रा. विलेपार्ले, मुंबई) यांचे वणीशी तर्फे पंचनदी येथे ‘दुर्वांकुर निवास’ नावाचे घर आहे. मयेकर हे सेवानिवृत्त असून सध्या मुंबईत स्थायिक आहेत. २५ ऑक्टोबर २०२५ ते २५ जानेवारी २०२६ या दरम्यान त्यांचे कोकणातील घर बंद असताना ही चोरीची घटना घडली. अज्ञात चोरट्याने घराच्या खिडकीचे ग्रील उचकटून आत प्रवेश केला.
त्यानंतर घरातील कपाटाच्या चावीचा वापर करून कपाट उघडले आणि कपाटातील लॉकर हत्याराने उचकटून त्यातील रोख रक्कम चोरून नेली.
चोरीला गेलेल्या ७२ हजार रुपयांच्या रकमेमध्ये ५०० रुपयांच्या १२० नोटा, ५० रुपयांच्या १०० नोटा, १० रुपयांच्या १०० नोटा, १०० रुपयांच्या २० नोटा आणि २०० रुपयांच्या २० नोटांचा समावेश आहे. फिर्यादी मयेकर यांनी दिलेल्या तक्रारीनुसार, बुधवारी ११ फेब्रुवारी २०२६ रोजी दाभोळ पोलीस ठाण्यात भारतीय न्याय संहिता (BNS) कलम ३०५, ३३१(३) आणि ३३१(४) अंतर्गत गुन्हा नोंदवण्यात आला आहे. या घटनेचा पुढील तपास दाभोळ पोलीस करत असून, बंद घरांच्या सुरक्षिततेचा प्रश्न पुन्हा एकदा ऐरणीवर आला आहे.
त्यानंतर घरातील कपाटाच्या चावीचा वापर करून कपाट उघडले आणि कपाटातील लॉकर हत्याराने उचकटून त्यातील रोख रक्कम चोरून नेली.
चोरीला गेलेल्या ७२ हजार रुपयांच्या रकमेमध्ये ५०० रुपयांच्या १२० नोटा, ५० रुपयांच्या १०० नोटा, १० रुपयांच्या १०० नोटा, १०० रुपयांच्या २० नोटा आणि २०० रुपयांच्या २० नोटांचा समावेश आहे. फिर्यादी मयेकर यांनी दिलेल्या तक्रारीनुसार, बुधवारी ११ फेब्रुवारी २०२६ रोजी दाभोळ पोलीस ठाण्यात भारतीय न्याय संहिता (BNS) कलम ३०५, ३३१(३) आणि ३३१(४) अंतर्गत गुन्हा नोंदवण्यात आला आहे. या घटनेचा पुढील तपास दाभोळ पोलीस करत असून, बंद घरांच्या सुरक्षिततेचा प्रश्न पुन्हा एकदा ऐरणीवर आला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
