दाभोळमध्ये वारंवार खंडित होणारा विज पुरवठा, संबंधित अधिकार्यांची कामात दिरंगाई, ठेकेदाराचा मुजोरपणा, कार्यालयातून मिळणारी उडवाउडवीची उत्तरे, नियोजित नसणारा आराखडा, कुशल लाईनमनची कमतरता, वाढीव विजबिले, वरिष्ठ अधिकाऱ्यांचे कर्मचाऱ्यांवर नसणारे नियंत्रण. ई. अनेक समस्यांमुळे पंचक्रोशीतील ग्रासलेल्या विज ग्राहकांनी दाभोळ शिवसेना शाखेच्या माध्यमातून दाभोळ येथील विद्युत वितरण कार्यालयावर धडक मोर्चा आज काढण्यात आला आहे .
ग्राहकांच्या शंकांचे निरसन कण्यासाठी दाभोळ कार्यालयात दापोली उपविभागाचे उप कार्यकारी अभियंता अ. श. कुकडे उपस्थित होते.
आक्रमक विज ग्राहकांच्या संतप्त प्रतिक्रियांना सामोरे जातांना उप कार्यकारी अभियंत्यांना मोठीच कसरत करावी लागली. मात्र लाईट कुठून गेली याचे समर्पक उत्तर संबंधित अधिकारी देऊ शकले नाहीत. अनेक त्रस्त ग्राहकांनी आपापल्या समस्या मांडल्या.
वारंवार खंडित होणारा विज पुरवठा, कमी-जास्त दाबाने होणारा पुरवठा, दोन/दोन दिवस नसणारा पुरवठा या कारणाने ग्रामस्थ, व्यापारी, कामगार वर्ग, सेवा उद्योग ईत्यादिकांचे न भरून येणारे नुकसान झालेले आहे, अशा ग्राहकांनी उप अभियंत्यांना चांगलेच धारेवर धरले. जर तुम्हाला आवश्यक बाबींची मागणी करावयास जमत नसेल तर चालू अधिवेशनात आम्ही पंचतारांकित प्रश्न उपस्थित करण्यासाठी सर्वतोपरी प्रयत्न करु असेही ग्रामस्थांकडून सांगण्यात आले.
शेवटी उप कार्यकारी अभियंता अ. श. कुकडे यांनी 2/4 दिवसांत मी युध्दपातळीवर काम करुन वारंवार विज खंडित ही समस्या सोडवून देतो असे सांगितले. त्यावर उपस्थित शिवसैनिक, ग्रामस्थांनी 8 दिवसांची मुदत दिली व जे कबुल केले आहे ते लिखित स्वरूपात द्या अशी मागणी केली. उपस्थितांचा आग्रह लक्षात घेता उप कार्य. अभियंता यांनी
लिखीत स्वरुपातील आश्वासन पत्र दाभोळ शिवसेना शाखाप्रमुख रमाकांत दाभोळकर यांचेकडे सुपूर्द केले. यावेळी शिवसेना दाभोळ शाखाप्रमुख रमाकांत दाभोळकर, रोहन तोडणकर, नरेश साळवी, श्याम दाभोळकर, रविकांत पादड, गिरीश वानरकर, संदिप गमरे, रोहन यादव, संध्या पालकर, काव्या मोरे, विक्रांत जांभारकर, शब्बीर हुसेन त्याचबरोबर दाभोळ, ओणी, नवसे पंचक्रोशीतील अनेक महिला-पुरुष ग्रामस्थ उपस्थित होते.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
