पती-पत्नीने एकाच दिवशी अखेरचा श्वास घेतल्याची घटना निवळी येथे रविवारी घडली. या दाम्पत्याच्या अंतिम इच्छेनुसार त्यांच्यावर सोमवारी शहरातील रामतीर्थ स्मशानभूमीत अंत्यसंस्कार करण्यात आले.
मनोहर श्रीपतराव सुर्वे (९१), संगीता मनोहर सुर्वे (८१, दोघेही निवळी) असे या पती-पत्नीचे नाव आहे.
मनोहर सुर्वे हे रिझर्व्ह बँकेत नोकरीला होते तर संगीता सुर्वे या गृहिणी होत्या. त्यांनी आपले निधन झाल्यावर अंतिम विधी चिपळुणातील रामतीर्थ स्मशानभूमीत व्हावेत असे यापूर्वीच लिहून ठेवले होते.
गेले काही दिवस मनोहर सुर्वे आजारी होते. त्यामुळे त्यांच्यावर एका रुग्णालयात उपचार सुरू होते. असे असताना त्यांचे रविवारी निधन झाले. त्यांच्या निधनाचे वृत्त कळताच त्यांच्या पत्नी संगीता यांनीही काही मिनिटात जगाचा निरोप घेतला.
पुढे अंत्यसंस्काराबाबत चर्चा सुरू असतानाच त्यांची मुले व नातेवाईकांनी सुर्वे दाम्पत्याची अंतिम इच्छा सर्वांना सांगितली. त्यानुसार सर्वांनी या दोघांवर शहरातील रामतीर्थ स्मशानभूमीत अंत्यसंस्कार करण्याचा निर्णय घेतला.
त्यानुसार वैकुंठरथातून मृतदेह येथे त्यांच्यावर आणून अंत्यसंस्कार करण्यात आले. त्यांच्या पश्चात दोन मुली, मुलगा असा परिवार आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
