समाजात धार्मिक तेढ निर्माण होत असताना, चिपळूणमध्ये एका मुस्लिम दांपत्याने सामाजिक सलोख्याचे काम केले आहे.
शहरातील गोवळकोट येथील रहिवासी इमरान सय्यद यांनी त्यांच्या घरी कार्यरत असलेल्या हिंदू मुलीचा विवाह हिंदू रीतिरिवाजानुसार स्वतःच्या खर्चाने केला. आई-वडिलांचे छत्र हरवलेली प्रतिभा लहानपणापासूनच इमरान सय्यद यांच्या कुटुंबासोबत राहिली.
घरातील कामे करता करता ती त्यांच्या कुटुंबातील एक सदस्य बनली. आपल्या सख्ख्या बहिणीप्रमाणे असलेल्या प्रतिभेसाठी इमरान यांनी योग्य जीवनसाथी शोधून काढला आणि त्याच्या कुटुंबाची संपूर्ण माहिती घेतली. या विवाह सोहळ्याचे आयोजन नुकतेच इमरान यांच्या निवासस्थानी करण्यात आले.
या मंगल सोहळ्यात इमरान यांचे संपूर्ण कुटुंब आनंदाने सहभागी झाले होते. त्यांनी नववधू प्रतिभाला आवश्यक असलेली आभूषणे, भेटवस्तू आणि संसारोपयोगी साहित्य प्रदान केले.
एका पित्याची भूमिका निभावत इमरान सय्यद आणि त्यांच्या पत्नीने प्रतिभाचे कन्यादान केले. या विवाह सोहळ्याचा संपूर्ण खर्चही त्यांनी आनंदाने उचलला.
गोवळकोटमधील या संवेदनशील मुस्लिम दांपत्याने केलेल्या या उदात्त कार्याची सर्वत्र प्रशंसा होत आहे. त्यांनी समाजाला एकजूट आणि मानवतेचा अनमोल संदेश दिला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
