चिपळूण तालुक्यातील खेर्डी एमआयडीसी येथील स्मशानभूमी परिसरातील जंगलात बेकायदेशीरपणे गांजा सेवन करणाऱ्या दोन तरुणांना चिपळूण पोलिसांनी रंगेहाथ पकडले आहे. शुक्रवारी (३० जानेवारी) सायंकाळी एकापाठोपाठ एक केलेल्या दोन वेगवेगळ्या कारवायांमध्ये पोलिसांनी ही कारवाई केली.
खेर्डी एमआयडीसीमधील स्मशानभूमीच्या जंगलमय परिसरात एक तरुण अंमली पदार्थाचे सेवन करत असल्याची माहिती पोलिसांना मिळाली होती. त्यानुसार सायंकाळी ४:३० च्या सुमारास पोलिसांनी तिथे छापा टाकला. यावेळी आकाश रामचंद्र चव्हाण (वय २५, रा. विकासवाडी, खेर्डी) हा तरुण गांजा सदृश्य अंमली पदार्थाचे सेवन करताना आढळला.
पोलीस कॉन्स्टेबल रुपेश उल्हास जोगी यांनी याप्रकरणी फिर्याद दिली असून, आरोपीविरुद्ध गु.र.नं. ३१/२०२६ नुसार एनडीपीएस कायद्याच्या कलम ८ (क) आणि २७ प्रमाणे गुन्हा दाखल करण्यात आला आहे.
पहिली कारवाई झाल्यानंतर काही वेळातच, म्हणजेच सायंकाळी ४:४५ च्या सुमारास त्याच परिसरात पोलिसांनी दुसरी कारवाई केली. यावेळी रोशन महेंद्र चोगले (वय २५, रा. विकासवाडी, खेर्डी) हा तरुण देखील गांजा सेवन करताना पोलिसांच्या तावडीत सापडला. पोलीस कॉन्स्टेबल शैलेश शांताराम वनगे यांनी याप्रकरणी फिर्याद दाखल केली आहे. या आरोपीवर गु.र.नं. ३२/२०२६ अन्वये गुन्हा दाखल करण्यात आला आहे.
खेर्डी एमआयडीसी परिसरातील निर्जन स्थळांचा आणि स्मशानभूमीजवळील झाडीचा वापर तरुण अंमली पदार्थ सेवनासाठी करत असल्याचे या कारवायांमुळे स्पष्ट झाले आहे. चिपळूण पोलिसांनी केलेल्या या धडक कारवाईमुळे अंमली पदार्थ सेवन करणाऱ्यांचे धाबे दणाणले आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
