करबुडेहून रत्नागिरीकडे येणाऱ्या दुचाकीस्वाराचा मजगाव रोड येथे अपघात झाला. या अपघातामध्ये स्वाराच्या मागे बसलेल्या तरुण गंभीर जखमी झाला. उपचारासाठी त्याला खासगी रुग्णालयातून जिल्हा शासकीय रुग्णालयात दाखल केले.
तेथील वैद्यकीय अधिकाऱ्यांनी त्याला तपासून मृत घोषित केले. यल्लप्पा दऱ्याप्पा जगदाने (वय ३१, रा. नराळे, पो. पारे, ता. सांगोला, जि. सोलापूर) असे मृत तरुणाचे नाव आहे. हि घटना शुक्रवारी (ता. ३०) दुपारी एकच्या सुमारास मजगाव रोड रस्त्यावर घडली.
पोलिसांकडून मिळालेल्या माहितीनुसार रविराज विनोबा राजके (वय २८, रा. सातारा) हे यल्लाप्पा जगदाने यास घेऊन करबुडे हून रत्नागिरीकडे येत होते. मजगाव रोड येथे आले असताना दुचाकीचा अपघात झाला. यामध्ये यल्लप्पा गंभीर जखमी झाला त्याला उपचारासाठी परकार हॉस्पिटल येथे दाखल केले होते.
अधिक उपचारासाठी जिल्हा शासकीय रुग्णालयात दाखल केले असता तेथील वैद्यकीय अधिकाऱ्यांनी त्याला तपासून मृत घोषित केले. तर जखमी रविराज राजके यांच्यावर जिल्हा रुग्णालयात उपचार सुरु आहेत.
हा अपघात कसा झाला या बाबत अधिक माहिती मिळू शकली नाही. शहर पोलिस अधिक तपास करत आहेत. रात्री उशिरापर्यत शहर पोलिस ठाण्यात नोंद करण्याची प्रक्रिया सुरु होती. मात्र जिल्हा रुग्णालयाच्या पोलिस चौकीत नोंद करण्यात आली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
