मुंबई-गोवा महामार्गावरील नेरकेवाडी येथील अवघड वळणावर एसटी बसवरील ताबा सुटल्याने बसने समोर उभ्या असलेल्या ट्रकला मागून धडक दिली. या अपघातात बसमधील काही प्रवासी किरकोळ जखमी झाले असून, एसटी चालक राजेंद्र रमेश दळवी (रा. तिवरे, ता. राजापूर) यांच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, राजेंद्र दळवी हे सोमवारी सायंकाळी कोल्हापूर–राजापूर या एसटी बसफेरीवर कार्यरत होते. सायंकाळी अंदाजे ४ वाजण्याच्या सुमारास नेरकेवाडी परिसरातील अवघड वळणावर बस आल्यानंतर, तीव्र उतार आणि वळणाचा अंदाज न आल्याने चालकाचा बसवरील ताबा सुटला. परिणामी बस समोर उभ्या असलेल्या ट्रकच्या मागील बाजूस जोरात धडकली.
या धडकेत बसचे पुढील नुकसान झाले असून, काही प्रवासी किरकोळ जखमी झाले आहेत. सुदैवाने मोठी जीवितहानी टळली.
या प्रकरणी स्वप्नील शंकर कदम यांनी दिलेल्या फिर्यादीवरून एसटी बसचालक राजेंद्र रमेश दळवी यांच्या विरोधात
भारतीय दंड संहिता कलम २७९ (धोकादायक वाहनचालकत्व),
तसेच मोटार वाहन कायदा कलम १८४ (बेफिकीर वाहनचालकत्व) अंतर्गत गुन्हा नोंदविण्यात आला आहे. पोलीस अधिक तपास करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
