सावकारांकडून होणारी पिळवणूक ही काही नवीन बाब नाही. आजही अनेक लोक खासगी सावकारांकडून कर्ज घेतात. या कर्जाचा व्याजदर जास्त असतो. हाच प्रकार शृंगारतळी पाहायला मिळत आहे.
शृंगारतळी परिसरात परप्रांतीय अण्णा लोकांकडून सावकारी धंद्याचा सुळसुळाट सुरू आहे.
शृंगारतळी ही गुहागर तालुक्याची आर्थिक राजधानी समजली जाते आणि अनेक स्थानिक व परजिल्ह्यातील तसेच राज्यातून नोकरी व्यवसायासाठी लोक येत असतात.
अशाच छोट्या व्यवसायिकांना चिपळूण तालुक्यातून येणारे काही अण्णा लोक कर्जाचे आमिष दाखवून पाच दहा हजार रुपयांचे कर्ज देतात व नंतर वसुलीसाठी मनस्ताप दिला जातो. वीस टक्क्या पर्यंत व्याजदराने ही रक्कम दिली जाते आणि वसुली झाली नाही तर दुकाना बाहेर बसून राहणे गिऱ्हाईक असेल त्यावेळी शिवीगाळ करणे असे प्रकार वाढत असून त्यातून बाजारात अनुचित प्रकार घडण्याची शक्यता आहे.
त्यामुळे अश्या अण्णा लोकांवर स्थानिक पोलिसांनी लक्ष ठेवावं अशी मागणी नागरिकांनी केली आहे. तळीत सावकारी प्रवृत्ती आता डोके वर काढू लागली आहे.
दिलेल्या भक्कम अशा तारणामुळे घरची मंडळीही हैराण आहेत. परंतु या सावकारा विरोधात कोणीही तक्रार देण्यासाठी पुढे येत नसल्याने त्यांना चांगलेच फावत आहे.
संध्याकाळच्यावेळी दोन अण्णा बाईक वरून सावज हेरत बाजारात फिरत असतात असं तळीवरील नागरिकांनी सांगितलं आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
