संगमेश्वर तालुक्यातील फुणगुस येथील अवघड वळणावर पुन्हा त्याच ठिकाणी सकाळी 10 वाजता दुसरा अपघात झाला आहे. गोव्याहून वसईकडे जाताना गुगल मॅप द्वारे फुणगुस मार्गे हा ट्रक चालला होता.
फुणगुस येथील अवघड वळणार गाडीवरील ताबा सुटल्याने अपघात झाला. सुदैवाने चालकाने गाडीतून उडी मारल्यामुळे जीवितहानी टळली. दोन दिवसापूर्वी याच ठिकाणी केमिकल टँकरचा अपघात झाला होता. 15 दिवसातील हा तिसरा अपघात आहे. वारंवार घडणाऱ्या या अपघाताने ग्रामस्थ भयभीत झाले आहेत.
सविस्तर वृत्त असे की, पार्लेजी पेपर रॅपिंग रोल घेऊन ट्रक (एम एच 48 जीबी 2930) घेऊन गोव्याहून वसईकडे चालला होता. यामध्ये 7 टन माल होता. फुणगुस येथे आला अवघड वळणावर चालकाचा ताबा सुटला आणि ट्रक थेट 30- 40 फूट खोल दरीत कोसळला. यावेळी चालकाने गाडीतून उडी मारल्याने बचावला.
अपघाताच्या मोठ्या आवाजाने ग्रामस्थानी धाव घेतली आणि मदत केली. चालकाला दरीतून वरती आणत पाणी दिले. ग्रामस्थ किरण भोसले, साहीम खान, प्रशांत थुळ, सुभाष लांजेकर, जमीर नाईक, गावातील ग्रामस्थ यांनी मदत केली. 8 दिवसापूर्वी कार दरीत कोसळली होती. त्यानंतर दोन दिवसापूर्वी आयशर टेम्पो कोसळला होता. त्यावेळेला गावातील ग्रामस्थ किरण भोसले आणि साहिल खान दोन दिवस अहोरात्र मेहनत घेतली.
त्यानंतर आज पुन्हा ट्रक दरीत कोसळून मोठे नुकसान झाले आहे.
या अपघाताची माहिती पोलिस पाटील यांनी संगमेश्वर पोलिस ठाण्याला दिली असून पोलिस घटनास्थळी रवाना झाले आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
