संगमेश्वर तालुक्यातील फणसट गावाने एका गुणवान कन्येच्या यशाने आपला मान उंचावला आहे. फणसट गावची सुकन्या अर्शिन अस्लम धामस्कर हिने दंतवैद्य (BDS) पदवी परिक्षेत घवघवीत यश संपादन केले आहे.
दमण येथील वैदिक डेंटल कॉलेज अँड रिसर्च सेंटर, दमण येथून तिने ही प्रतिष्ठित पदवी प्राप्त केली आहे. तिच्या या उज्ज्वल यशामुळे संपूर्ण संगमेश्वर तालुक्यातून तिच्यावर आणि तिच्या कुटुंबीयांवर अभिनंदनाचा वर्षाव होत आहे.
डॉ. अर्शिन धामस्कर हिचे प्राथमिक आणि माध्यमिक शिक्षण देवरुखमध्ये झाले.
तिने दहावीपर्यंतचे शिक्षण देवरुखच्या अरुंधती पाध्ये इंग्लिश मीडियम स्कुलमधून पूर्ण केले. त्यानंतर बारावी (विज्ञान शाखा) पर्यंतचे शिक्षण तिने कै. मिनाताई ठाकरे विद्यालयातून यशस्वीरित्या पूर्ण केले. शालेय जीवनापासूनच अभ्यासात हुशार असलेल्या अर्शिनने मेहनतीच्या जोरावर वैद्यकीय क्षेत्रात आपले स्थान निश्चित केले आहे.
कठीण BDS अभ्यासक्रम यशस्वीरित्या पूर्ण करून डॉ. अर्शिनने आता दंतवैद्य म्हणून पदवी प्राप्त केली आहे. तिच्या या महत्त्वपूर्ण कामगिरीबद्दल तिचे सर्वत्र कौतुक होत आहे आणि तालुक्यातील अनेक युवा पिढीसाठी ती एक प्रेरणास्रोत ठरली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
