रत्नागिरी शहरानजीकच्या खेडशी येथील रस्त्याने चालत जाणाऱ्या अल्पवयीन मुलीशी गैरवर्तन करणाऱ्या संशयित तरुणास ग्रामीण पोलिसांनी अटक केली. न्यायालयाने त्याची रवानगी न्यायालयीन कोठडीत केली आहे.
विकास विजय माने (वय २५)असे अल्पवयीन मुलीशी गैरवर्तन करणाऱ्या संशयित तरुणाचे नाव आहे. ही घटना मंगळवारी (ता. १०) रात्री नऊच्या सुमारास घडली. पोलिसांकडून मिळालेल्या माहितीनुसार अल्पवयीन मुलगी मंगळवारी रात्री नऊच्या सुमारास खेडशी परिसरात चालत जात असताना संशयिताने तिच्याशी गैरवर्तन केले.
तिने आरडा-ओरडा केला. त्यानंतर संशयिताने तेथून पळून जाण्याचा प्रयत्न केला. मात्र पोलिसांनी त्या संशयित तरुणास अटक केली. घटनेची गंभीरता लक्षात घेऊन अल्पवयीन मुलीच्या वडिलांनी ग्रामीण पोलिस ठाण्यात तक्रार दिली.
तक्रारीवरुन पोलिसांनी संशयिताविरुद्ध भारतीय न्याय संहिता कायदा कलम ७५(१) (आय) व बालकांचे लैंगिक अपराधापासून संरक्षण अधिनयम २०१२ (पॉस्को) चे कलम ८ नुसार गुन्हा दाखल केला आहे. न्यायालयात हजर केले असता न्यायालयाने संशयिताची न्यायालयीन कोठडी रवानगी केली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
