रत्नागिरी जिल्ह्यातील नऊ तालुक्यांमध्ये मतदानाची प्रक्रिया पार पडली असून, यामध्ये मतदारांचा संमिश्र उत्साह पाहायला मिळाला. प्रशासनाकडून प्राप्त झालेल्या अधिकृत आकडेवारीनुसार, संपूर्ण जिल्ह्याचा सरासरी मतदानाचा टक्का ५५.७९% इतका राहिला आहे. यामध्ये विशेष म्हणजे महिला मतदारांची संख्या पुरुष मतदारांपेक्षा अधिक असल्याचे दिसून आले आहे.
जिल्ह्यात सर्वाधिक मतदान चिपळूण तालुक्यात झाले असून, तिथे ६२.५६% मतदानाची नोंद झाली. त्यापाठोपाठ रत्नागिरी तालुक्यात ५८.५२% आणि खेड तालुक्यात ५६.८९% मतदान झाले. जिल्ह्याच्या दक्षिण भागात लांजा (५१.१६%) आणि राजापूर (४९.८७%) तालुक्यात मतदानाचा टक्का ५० च्या आसपास राहिला. जिल्ह्यात सर्वात कमी मतदान मंडणगड तालुक्यात नोंदवले गेले असून, तिथे केवळ ४८.७९% मतदारांनी आपल्या मतदानाचा हक्क बजावला. दापोली आणि गुहागर यांसारख्या किनारपट्टीच्या भागातही
मतदानाची टक्केवारी अनुक्रमे ५३.८७% आणि ५६.५२% इतकी राहिली. जिल्ह्यातील एकूण मतदानाची आकडेवारी पाहता, पुरुषांच्या तुलनेत महिलांनी मतदानात मोठी आघाडी घेतली आहे. एकूण ६,५४,९४९ मतदारांपैकी ३,३६,२८५ महिलांनी मतदान केले, तर ३,१८,६६२ पुरुष मतदारांनी आपला हक्क बजावला. तसेच, ‘इतर’ प्रवर्गातून २ मतदारांची नोंद झाली आहे. संगमेश्वर आणि रत्नागिरी या तालुक्यांमध्ये मतदानासाठी सकाळपासूनच केंद्रांवर रांगा पाहायला मिळाल्या.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
