मंडणगड तालुक्यातील चोरीची घटना पुन्हा एकदा उघडकीस आली असून भैरीदेवी मंदिर येथे अज्ञात चोरट्यांनी डल्ला मारला आहे. रत्नागिरी जिल्ह्यातील मंडणगड तालुक्यातील शिरगाव येथील ग्रामदैवत भैरीदेवी मंदिरामध्ये चोरीची धक्कादायक घटना समोर आली आहे.
अज्ञात चोरट्याने मंदिरातील पुरातन पितळी घंटा आणि मौल्यवान समई चोरून नेली असून याप्रकरणी मंडणगड पोलीस ठाण्यात गुन्हा दाखल करण्यात आला आहे. मंदिराचा मुख्य दरवाजा कुलूप न लावता केवळ कडी लावलेली असल्याचा फायदा घेत चोरट्याने ७ फेब्रुवारी २०२६ रोजी सकाळी ९.३० ते ८ फेब्रुवारी २०२६ रोजी सकाळी ८.०० या कालावधीत मंदिरात प्रवेश केला.
स्वतःच्या आर्थिक फायद्यासाठी मंदिरातील पितळी वस्तू लंपास करण्यात आल्या.या प्रकरणी शिरगाव पाटीलवाडी येथील रहिवासी मधुकर गंगाराम पाटील (वय ७१) यांनी १८ फेब्रुवारी २०२६ रोजी मंडणगड पोलीस ठाण्यात फिर्याद दाखल केली. चोरीस गेलेल्या साहित्याची एकूण किंमत सुमारे १५,००० रुपये असून त्यामध्ये पुढील वस्तूंचा समावेश आहे:
स्वतःच्या आर्थिक फायद्यासाठी मंदिरातील पितळी वस्तू लंपास करण्यात आल्या.या प्रकरणी शिरगाव पाटीलवाडी येथील रहिवासी मधुकर गंगाराम पाटील (वय ७१) यांनी १८ फेब्रुवारी २०२६ रोजी मंडणगड पोलीस ठाण्यात फिर्याद दाखल केली. चोरीस गेलेल्या साहित्याची एकूण किंमत सुमारे १५,००० रुपये असून त्यामध्ये पुढील वस्तूंचा समावेश आहे:
मोठी पितळी घंटा – सुमारे १५ किलो वजन (किंमत ९,००० रुपये)
लहान पितळी घंटा – सुमारे ५ किलो वजन (किंमत ३,००० रुपये)
पुरातन पितळी समई – सुमारे ५ किलो वजन (किंमत ३,००० रुपये), अंदाजे ७० ते ८० वर्षे जुनी या घटनेमुळे परिसरात खळबळ उडाली असून ग्रामस्थांमध्ये संतापाचे वातावरण आहे. पोलिसांनी भारतीय न्याय संहिता (BNS) २०२३ च्या कलम ३०५ (डी) अन्वये गुन्हा रजिस्टर क्रमांक २२/२०२६ प्रमाणे नोंद करून पुढील तपास सुरू केला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
