मंडणगड तालुक्यातील म्हाप्रळ येथील एका चिकन दुकानातून ९ लाख रुपये रोख रक्कम चोरीला गेल्याची घटना घडली आहे.
या प्रकरणी महंमद शारोड़ा आलम मुसा कुरेशी (वय २७, रा. नेरुल, नवी मुंबई) याच्याविरुद्ध भारतीय न्यायसंहिता २०२३ चे कलम ३०६ अंतर्गत गुन्हा दाखल करण्यात आला आहे.फिर्यादी अल्ताफ नसरद्दीन मुकादम (वय ३५, रा. म्हाप्रळ, मंडणगड) यांच्या चिकन दुकानात आरोपी गेल्या एक वर्षापासून मॅनेजर म्हणून काम करत होता.
त्याने दुकान मालकाचा विश्वास संपादन करून मालक परराज्यात (राजस्थान) गेले असताना दुकानातील रोख रक्कम ९,००,००० रुपये चोरल्याचा आरोप आहे. ही घटना ११ एप्रिल २०२५ रोजी दुपारी ४ वाजण्यापूर्वी घडली. फिर्यादीच्या तक्रारीनुसार, आरोपीने लबाडीच्या हेतूने आणि स्वतःच्या फायद्यासाठी ही चोरी केली.
या प्रकरणी मंडणगड पोलिस स्टेशनमध्ये १६ एप्रिल २०२५ रोजी रात्री ९:३७ वाजता गुन्हा दाखल करण्यात आला आहे. पोलिसांनी तपास सुरू केला असून आरोपीचा शोध घेतला जात आहे.
मंडणगड पोलिसांनी या चोरीच्या घटनेचा तपास सुरू केला आहे. चोरीला गेलेली रक्कम आणि आरोपी यांच्याशी संबंधित माहिती गोळा करण्याचे काम सुरू आहे. स्थानिक नागरिकांना या प्रकरणी काही माहिती असल्यास पोलिसांशी संपर्क साधण्याचे आवाहन करण्यात आले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
