पाेलिस असल्याचे सांगून ‘आमच्या साहेबांनी गाड्या तपासायला सांगितले आहे.
कालपासून आम्ही दाेन लाखाचा माल पकडला आहे,’ असे भासवून खेडमधील एका व्यावसायिकाचा तब्बल दाेन लाख ३० हजाराचा साेन्याचा ऐवज लुटला. हा प्रकार साेमवारी (१३ नाेव्हेंबर) सकाळी ११ वाजता खेडमधील महाडनाका गाेळीबार मैदानासमाेर घडला.
शहरातील शिवतर रोड या ठिकाणी राहणारे राजन सहदेव दळवी (६८) हे मंडप व्यावसायिक आहेत. साेमवारी सकाळी ते खेड येथून भरणे येथे मुलाच्या दुकानात जात हाेते.
महाड नाका येथील गतिरोधकाजवळ दोन अनोळखी व्यक्तींनी पोलिस असल्याचे सांगून त्यांची गाडी थांबवली. ‘साहेबांनी आम्हाला तपासणी करायला सांगितलं आहे,’ असे बोलून त्यांनी दळवी यांच्या जवळील मोबाइल, डायरी, सोन्याचे ब्रेसलेट तसेच गळ्यातील सोन्याची गोफ घेऊन एका पिशवीमध्ये टाकली.
ही पिशवी परत देताना दुसरी पिशवी त्यांना दिली. थोड्या वेळाने दळवी यांनी पिशवी उघडून पाहिली असता त्यात दागिने नव्हते. आपण फसल्याचे समजताच त्यांनी थेट पोलिस स्थानकात धाव घेत तक्रार दाखल केली. याप्रकरणी खेड पाेलिस स्थानकात दाेन अज्ञात व्यक्तींविराेधात साेमवारी उशिराने गुन्हा दाखल करण्यात आला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
