दापोली तालुक्यातील मुरुड येथे समुद्रकिनारी केतकीच्या बनात सापडलेल्या चरसची पाकीट ही गुजरात येथे सापडलेल्या पाकिटांशी मिळती जुळती असल्याची माहिती रत्नागिरी जिल्ह्याचे पोलिस अधीक्षक धनंजय कुलकर्णी यांनी पत्रकारांशी बोलताना दिली.
🔴 तुम्हाला कोकणातल्या बातम्या
पाहायच्या असतील तर कोकण कट्टा Live च्या whatsapp ग्रुपमध्ये सहभागी व्हा
https://chat.whatsapp.com/Lfog3VaK6G32AY4ejSaFTi
👉🏻 आपल्याला जाहिरात आणि बातम्या द्यायच्या असतील तर संपर्क करा 9960151909
याबाबत गुजरात पोलिसांशी संपर्क साधण्यात आल्याचेही त्यांनी सांगितले. रत्नागिरी पोलिस मैदानावर आयोजित केलेल्या ध्वजारोहण सोहळ्यानंतर ते पत्रकारांशी बोलत होते. यावेळी अतिरिक्त पोलिस अधीक्षक जयश्री गायकवाड, उपविभागीय पोलिस अधिकारी विनीत चौधरी उपस्थित होते.
दापोली तालुक्यातील मुरुड येथे काल, समुद्रकिनारी केतकीच्या बनात १२ किलो अफगाणी चरस सापडला. याबाबत पत्रकारांनी पोलिस अधीक्षक धनंजय कुलकर्णी यांना विचारले त्यावर ते म्हणाले की, प्राथमिक माहितीनुसार ते समुद्रातून वाहत आल्याचा अंदाज आहे.
तरीही पोलिसांकडून सर्व बाजूंनी तपास करण्यात येत आहे. फॉरेन्सिक लॅब, डॉग स्काॅड, दहशतवादी विरोधी पथकाचे पोलिस त्याठिकाणी गेले होते. मुरूड, कर्दे किनारी सापडलेली पाकीट गुजरातमध्ये सापडलेल्या पाकिटांशी मिळती जुळती आहेत.
यासंदर्भात गुजरात येथील अधिकाऱ्यांशी संपर्क साधण्यात आला आहे, असे त्यांनी सांगितले. तसेच संपूर्ण कोकण किनारपट्टीवरील पोलिस स्थानकांना सतर्कतेच्या सूचना देण्यात आल्याचेही त्यांनी सांगितले.
ते पुढे म्हणाले की, थोड्याशा हव्यासापोटी, कुठल्यातरी मोहापोटी आपण बळी पडतो. जगात कोणती गोष्ट फुकट मिळत नाही. घरबसल्या कोणी नोकरी देत नाही. त्यामुळे अशा आमिषांना बळी पडू नये, असे आवाहन पोलिस अधीक्षक धनंजय कुलकर्णी यांनी यावेळी केले.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
