चिपळूण : विकलेल्या गाडीची रक्कम वाहन मालकाला न देता व कर्ज खात्यात न भरता एका व्यक्तीने ५ लाख ६० हजारांची आर्थिक फसवणूक केली.
चिपळूण पोलिस ठाण्यात केतन दत्तात्रय कांबळे (रा. काविळतळी) याच्याविरुद्ध गुन्हा दाखल करण्यात आला आहे. ही घटना २ ते १५ मार्च दरम्यान शहरातील काविळतळी येथील मॅक्स शाईन शोरूम येथे घडली.
पोलिसांकडून मिळालेल्या माहितीनुसार, फिर्यादी सुयोग राजाराम कदम (खडपोली, ता. चिपळूण) यांच्या मालकीची मोटार (एमएच ०८- एएक्स-१०६१) केतन कांबळे याने ६ लाख ५० हजार रुपयांना विकली.
त्यातील ९० हजार रुपये त्याने कदम यांना ऑनलाईन पद्धतीने वर्ग केले व उर्वरित रक्कम ६० हजार रुपये रोख देणे आणि ५ लाख रुपये वाहन खरेदी करताना काढण्यात आलेल्या वाहन कर्ज बँक खात्यात जमा करण्याचे ठरले होते.
मात्र ते पैसे केतन कांबळे यांनी कदम यांना दिले नाहीत. तसेच कर्ज खात्यातही जमा न करता ५ लाख ६० हजार रुपयांची आर्थिक फसवणूक केली.
तसेच त्यांची गाडीही परत केली नाही. या प्रकरणी फिर्यादी सुयोग कदम यांनी चिपळूण पोलिस ठाण्यात तक्रार दिली. तक्रारीवरून पोलिसांनी संशयिताविरुद्ध गुन्हा दाखल केला आहे. अधिक तपास पोलिस करत आहेत.
X
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
