गुहागर तालुक्यातील शृंगारतळीमधील बँक ऑफ इंडिया शाखेतील एटीएममध्ये जवळपास ४० हजार रुपयांची भरलेली रोकड बोगस असल्याचं समोर आलं आहे.
यामध्ये 500 रूपयांच्या तब्बल 80 नोटा बोगस सापडल्या आहेत.गुहागर तालुक्यातील झोंबडी सरपंच अतुल अनंत लांजेकर याच्यावर गुहागर पोलीस ठाण्यात गुन्हा दाखल झाला आहे.
मात्र अतुल अनंत लांजेकर याने या नोटा कुठून आणल्या एवढी मोठी रोकड आणली कशी असे अनेक प्रश्न निर्माण झाले आहेत. दरम्यान अतुल अनंत लांजेकर याच्याकडे अजूनही काही बोगस नोटा आहेत आणि याचा मास्टरमाईंड कोण आहे याचा तपास गुहागर पोलीस करत आहे.
बँक ऑफ इंडिया शृंगारतळी शाखेला लागूनच बाहेर एटीएम आहे. ज्यामध्ये पैसे काढताही येतात आणि पैशाचा भरणाही करता येतो.
30 एप्रिल रोजी सायंकाळी 6.30 च्या दरम्यान, एटीएममध्ये पैशाचा भरणा करताना मशीनमध्ये अतुल लांजेकर याच्या खात्यावर भरणा केलेल्या 40 हजार रुपये किमतीच्या 500 रुपये किमतीच्या एकूण 80 बनावट नोटा आढळून आल्या.
या बनावट नोटा असल्याची लांजेकर यांना जाणीव असतानाही त्यांनी सदरच्या बनावट नोटा स्वतःकडे बाळगून त्या नोटा बँकेच्या कॅश डिपाँझीट मशीनमध्ये भरुन त्याचा वापर केला आहे.
लांजेकर याच्याविरोधात दिलेल्या तक्रारीनुसार 33/2024 भा.दं.वि. कलम 489 (ब) 489 (क) नुसार गुन्हा दाखल करण्यात आला आहे. याचा तपास गुहागर पोलीस करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
