गुहागर आगारामागचे शुक्लकाष्ठ काही केल्या संपत नसल्याचे समोर येत आहे. बोरीवलीतून गुहागरकडे येणारी ही बस
२० नोव्हेंबर रोजी सकाळी सुटली. यानंतर रामवाडीतून सुटल्यावर रस्त्यामध्येच पंक्चर झाली.
त्यामुळे प्रवाशांची सुमारे चार तास चांगलीच रखडपट्टी झाली. त्यामुळे गुहागर आगार व्यवस्थापनाविरोधात प्रवाशांनी संताप व्यक्त केला. गुहागर आगाराची बोरीवली- गुहागर बस सकाळी साडेसहा वाजता बोरीवलीतून सुटली. पावणे दहा वाजता रामवाडी बसस्थानकात आल्यावर तिथून ती ११ वाजता बाहेर पडली. ५ किलोमीटर अंतरावर आल्यावर ती मध्येच पंक्चर झाली. मध्येच पंक्चर झाल्याने प्रवाशांना विश्रांतीसाठी आजुबाजूला हॉटेल किंवा अन्य निवारा नाही उपलब्ध झाला नाही. उन्हामध्ये उभे राहून तासनतास बस दुरुस्तीसाठी वाट पहावी लागली. चार तास झाले तरी तंत्रज्ञ बस दुरुस्तीसाठी आले नव्हते. पंक्चर काढण्यासाठी बसमध्ये जॅकही नव्हते. त्यामुळे पुन्हा एकदा गुहागर आगाराच्या गलथान कारभाराचा फटका लांब पल्ल्यावर प्रवास करणाऱ्या प्रवाशांना बसला.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569 Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
