कुमारी अन्वी दाभोळकर ग्रुप सी विभागात राज्यात तृतीय
पाटपन्हाळे (वार्ताहर) कला विकास संस्थेतर्फे नुकत्याच आयोजित राज्यस्तरीय रंगभरण व हस्ताक्षर स्पर्धेत लिटिल चॅम्प्स इंग्लिश मीडियम
स्कूल जानवळेची इयत्ता चौथीच्या वर्गात शिकणारी कुमारी अन्वी विदेश दाभोळकर या विद्यार्थिनीने ग्रुप सी विभागात राज्यात तृतीय क्रमांक पटकावला.
त्याबद्दल कला विकास संस्थेतर्फे तिला सर्टिफिकेट, ट्रॉफी, सन्मानचिन्ह व रोख रक्कम दोन हजार रुपये देऊन सन्मानित करण्यात आले. त्याचबरोबर स्कूलमधील इयत्ता पहिली मधील कु.ओवी संदीप मांडवकर, कु रिद्धी बाळासाहेब लबडे, इयत्ता दुसरी मधील कु. अधिरा उमेश खैर, कु. श्रेया सचिन चव्हाण, इयत्ता तिसरी मधील कु अनुश्री मनोज सकपाळ, कुमारी शुभ्रा प्रताप चव्हाण, इयत्ता पाचवी मधील कु. स्वरा सूर्यकांत सुर्जन, कु. श्रवण अशोक साळवी, इयत्ता सहावी मधील कु. श्रिया तेजस आंबेकर, इयत्ता सातवी मधील कु.अंशिका रामअचल चौबे, इयत्ता नववी मधील कु. ऋग्वेद रवींद्र गुडेकर, सिनियर केजी ग्रुप विभागामध्ये मायरा अजय नार्वेकर व उत्तेजनार्थ पारितोषिक ज्युनिअर विभागात कु. रिदाँय युवराज भोसले व कु. आयुष लुकमान तडवी यांनी या १४ मुलांनी स्पेशल आर्ट मेरिट ची ट्रॉफी जिंकली आहे. त्याबद्दल या सर्व मुलांचे संस्थेतर्फे व स्कूल तर्फे गौरव करण्यात आला. तसेच स्कूलला कला विकास संस्थेतर्फे ऍक्टिव्ह स्कूलचा अवॉर्ड देण्यात आला. या सर्व मुलांना सहकार्य व मार्गदर्शन करणारे मुख्याध्यापक हेमंत गणपत शिरकर यांना कलामित्र अवॉर्ड व रोख रुपये पाचशे रुपये देऊन सन्मानित करण्यात आले.
या स्कूलचे शिक्षक विविध उपक्रम राबवून विद्यार्थ्यांना नेहमीच प्रोत्साहन देत असतात. या स्पर्धेसाठी मुख्याध्यापक श्री.हेमंत शिरकर, सौ साक्षी शिरकर तसेच शिक्षक, शिक्षिका यांचे मार्गदर्शन लाभले. या यशाबद्दल पालक, शिक्षक यांच्याकडून विद्यार्थ्यांचे कौतुक व अभिनंदन केले जात आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569 Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
