शिमगोत्सवासाठी मुंबईहून दापोली तालुक्यातील दाभोळ भिवबंदर येथील आपल्या गावाकडे 20 प्रवश्यांसह निघालेल्या चाकरमानी भाविकांच्या टेम्पो ट्रॅव्हल्स मिनी बसला चालकाचा वाहनावरील ताबा सुटल्याने मंडणगड तालक्यातील चिंचाळी घाटात बस साईडपट्टीला जावून मोठा अपघात झाला.
28 मार्च 2024 रोजी सकळाच्या सुमारास चिंचाळी येथे गाडीला झालेल्या या अपघातात 4 प्रवासी जखमी झाले व गाडीतून प्रवास करणारे अन्य 16 जण किरकोळ जखमी झाले आहेत. अपघातात टेम्पो ट्रॅव्हल्सचे मोठे नुकसान झाले आहे.
त्यामुळे अपघातात सुदैवाने मोठा अनर्थ टळला व कोणतीही मोठी दुर्घटना झाली नाही. दरम्यान अपघातग्रस्त जखमींना तातडीने ग्रामीण रुग्णालय मंडणगड येथे उपचारासाठी दाखल केले. प्राथमिक उपचार केल्यानंतर रुग्णांना दापोली येथील उपजिल्हा रुग्णालयात अधिक उपचारासाठी पाठवण्यात आले.
या रुग्णांमध्ये दिलीप भुवड, रमेश भुवड, प्रवीण परब, रश्मी भुवड सर्व (रा. दाभोळ भिवबंदर) यांना हात फॅक्चर, खांद्याला, तोंडाला दुखापत झाली आहे. गाडीतून प्रवास करणारे अन्य 16 प्रवाशी या अपघतात किरकोळ जखमी झाले.
युवासेनेच्या पदाधिकाऱ्यांचे तत्काळ मदतकार्य – म्हाप्रळ – चिंचाळी येथे अपघात झाल्याचे कळताच मंडणगड युवसेनेच्या पदाधिकारी व कार्यकर्त्यांनी तात्काळ मदतकार्य सुरू केले.
जखमींना ग्रामीण रुग्णालय दाखल करण्यासाठी या कार्यकर्त्यांनी धावपळ केली व यानंतर वाहनाची व्यवस्था करून दापोली येथील रुग्णालयात पाठवण्यास सहकार्य केले.
यामध्ये युवसेना राज्य कार्यकारणी सदस्य चेतन सातोपे, प्रतिक पोतनीस, विकास पवार, पंकज घाग, अनिल रटाटे आदि पदाधिकारी यांनी मदतकार्य केले. यावेळी आरपीआयचे जिल्हा सरचिटणीस, नगरसेवक आदेश मर्चेंडे यांनीही मदतकार्यात पुढाकार घेतला.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
