दाभोळ कोळथरे येथे मिरवणूक बंदीचा आदेश मोडल्याप्रकरणी ७ जणांवर गुन्हा दाखल केल्याची घटना मंगळवारी सायंकाळी ७.१५ च्या सुमारास घडली.
कोळथरे येथील कब्रस्तान ते मुस्लिम मोहल्ल्यातून समुद्राकडे जाणाऱ्या सार्वजनिक रस्त्यावर ही कारवाई करण्यात आली. दाभोळ पोलिसांनी दिलेल्या माहितीनुसार, दापोलीच्या प्रांताधिकाऱ्याकडे दाभोळ-कोळथरे येथील शिवजयंती व शिमगोत्सव मिरवणुकीबाबत १५ फेब्रुवारी रोजी पत्र दिले होते.
तरीही लोकसेवक म्हणून मिरवणूक काढण्याकामी दिलेल्या आदेशाची जाणीवपूर्वक अवज्ञा करून सामाजिक शांतता धोक्यात आणून गुन्ह्याचे कृत्य केले म्हणून दिलीप दत्तात्रय संकुलकर, रविंद्र महादेव आडविलकर, संदीप रघुनाथ झगडे, योगेश दत्तात्रय संकुलकर, रमेश गणपत कणगुटकर, उज्वल कृष्णनाथ हेदुकर, शैलेश शांताराम संकुलकर (सर्व रा. कोळथरे) यांच्यावर गुन्हा दाखल करण्यात आला आहे.
या प्रकरणाची फिर्याद दाभोळ सागरी पोलिस स्थानकाचे पोलिस नाईक संजय धोपट यांनी दिली. या प्रकरणी दाभोळ पोलिस अधिक तपास करीत आहेत
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
