तरुणीच्या नावांचा फेक इन्स्टाग्राम आयडी तयार करत रिलेशनमध्ये असतानाचे अश्लील फोटो मेसेजसह तिच्या होणाऱ्या पतीच्या मोबाईलवर पाठवल्याप्रकरणी तेजस सदानंद पवार (३० रा. अनारी-गणेशवाडी, चिपळूण) याला येथील पोलिसांनी सोमवारी अटक केली.
जातीवाचक शिवीगाळ केल्याचेही पीडितेने दिलेल्या तक्रारीत नमूद केले आहे. ही घटना एप्रिल २०२४ ते २५ मे २०२५ या कालावधीत घडली. तालुक्याच्या एका गावातील तरुणीच्या नावाचा संशयिताने फेक इस्टाग्राम आयडी तयार केला. त्यावरुन शिविगाळसह अश्लील मेसेज प्रसारीत करताना, तुला काय करायचे ते कर.
आपण रिलेशनमध्ये असतानाचे तुझे फोटो व्हायरल करणार असल्याची धमकी देत जातीवाचक शिवीगाळ केली व पीडितेच्या होणाऱ्या पतीच्या मोबाईलवर गत महिन्यात त्याने अश्लील फोटो व मेसेज पाठवले.
पीडितेने याबाबत रविवारी सायंकाळी तक्रार नोंदवली. त्यानुसार रात्री उशिरा संशयित तेजस पवार या तरुणावर गुन्हा दाखल करण्यात आला व सोमवारी सायंकाळी त्याला अटक करण्यात आली आहे. अधिक तपास पोलीस उपविभागीय अधिकारी भागुजी औटी यांच्या मार्गदर्शनाखाली पोलीस निरीक्षक भोयर करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
