खेड तालुक्यातील कळंबणी आपेडेफाटा हॉटेल स्वामीलीला जवळील साईटवर काम करताना आढळून आलेल्या एका बांगलादेशी नागरिकाला येथील पोलिसांनी ताब्यात घेतले आहे.
पोलिसांनी दिलेल्या माहितीनुसार, ही कारवाई ११ मार्च २०२५ रोजी दुपारी १२.३५ च्या सुमारास करण्यात आली. अकबर अबू शेख असे ताब्यात घेण्यात आलेल्या बांगलादेशी नागरिकाचे नाव आहे.
अकबर अबू शेख (सध्या रा. कळंबणी, आपेडेफाटा, हॉटेल स्वामीलीला जवळील साईटवर, ता. खेड, मूळ गाव-पेडोली, तहसील-चौदलपुर, ठाणा अभयनगर, जिल्हा–जेशुर, ढाका, देश-बांगलादेश) हा बांगलादेशातील गरिबीस व उपासमारीस कंटाळून उदरनिर्वाहाकरीता भारताच्या
सरहद्दीवरील गस्ती पथकांची नजर चुकवून व मुलखी अधिकाऱ्यांच्या परवानगीशिवाय भारत देशात अवैध प्रवेश करून आला. तो चिपळूण तालुक्यातील कळंबणी हद्दीतील आपेडेफाटा, हॉटेल स्वामीलीला जवळील साईटवर काम करताना मिळून आला.
याबाबतची फिर्याद दहशतवाद विरोधी शाखा रत्नागिरीचे पोलीस हवालदार आशिष वसंत शेलार यांनी येथील पोलीस स्थानकात दिल्यानुसार, खेड पोलिसांनी ११ मार्च २०२५ रोजी रात्री ८.०५ वाजता बांगलादेशी नागरिक अकबर अबू शेख याच्याविरोधात भारतात प्रवेश अधिनियम १९५० चा नियम ३ सह ६, परकीय नागरिक आदेश १९४८ परि. ३ (१) (अ), परकीय नागरिक कायदा १९४६ चे कलम १४ प्रमाणे गुन्हा दाखल करण्यात आला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
