गुहागरमध्ये गावठी दारूसह एकजण ताब्यात

गुहागर पोलिसांनी २४ एप्रिल २०२५ रोजी केलेल्या कारवाईत एका व्यक्तीला बेकायदेशीर गावठी दारूसह ताब्यात घेतले आहे. आरोपी उदय श्रीधर भवड (वय ४०, रा. देवघर काताळयाडी, ता. गुहागर) याच्याकडून ५५० रुपये किमतीची ५ लिटर गावठी दारू जप्त करण्यात आली आहे.

पोलिसांनी दिलेल्या माहितीनुसार, २४ एप्रिल २०२५ रोजी दुपारी ३.५० वाजण्याच्या सुमारास गुहागर तालुक्यातील मीजे देवघर झोबडी फाटा येथील निलकंठेश्वर जनरल स्टोअर्सच्या पाठीमागील बाजूस एका आंब्याच्या झाडाखाली आरोपी उदय भवड हा गावठी दारू विक्री करण्याच्या उद्देशाने आपल्या ताब्यात बाळगलेला आढळला. पोलीस शिपाई सतीश बबन कंभार (वय ३५, गुहागर पोलीस ठाणे) यांनी ही कारवाई केली.

याप्रकरणी गुहागर पोलीस ठाण्यात गु.र.नं. २७/२०२५, महाराष्ट्र दारूबंदी कायदा कलम ६५ (ई) अन्वये गुन्हा दाखल करण्यात आला आहे. पुढील तपास गुहागर पोलीस करत आहेत. या घटनेची नोंद पोलीस ठाण्यात सायंकाळी ५.३४ वाजता झाली.

प्रतिनिधी

वेगवान बातमी, अचूक आणि थेट भूमिका !

कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म

Editor – Tejas Borghare
*वेगवान बातमी, अचूक आणि थेट भूमिका !*

Post Views: 111

Response (1)