वेळणेश्वर कोंडकारुळ पंचायत समिती गणातून शिवसेनेच्या वतीने पत्रकार प्रणव पोळेकर यांची अधिकृत उमेदवारी जाहीर करण्यात आली आहे. पालकमंत्री उदय सामंत यांनी प्रणव पोळेकर यांच्या नावाची अधिकृत घोषणा केली आहे.
सामाजिक प्रश्नांवर सातत्याने लेखणीच्या माध्यमातून ठामपणे आवाज उठवणारे प्रणव पोळेकर आता थेट लोकसेवेत उतरण्याचा निर्णय घेतला आहे. पत्रकारितेच्या माध्यमातून ग्रामीण भागातील विकास, शेतकरी, युवक तसेच सामान्य नागरिकांच्या विविध समस्या प्रभावीपणे मांडण्याचे कार्य त्यांनी आजवर केले आहे.
त्यांच्या या कार्याची दखल घेत शिवसेनेने त्यांना कोंडकारुळ पंचायत समिती गणातून उमेदवारी दिली असल्याचे बोलले जात आहे. स्वच्छ प्रतिमा, अभ्यासू नेतृत्व आणि जनतेशी थेट संवाद हे प्रणव पोळेकर यांच्या उमेदवारीचे प्रमुख वैशिष्ट्य मानले जात आहे. उमेदवारी जाहीर होताच त्यांनी कोंडकारुळ गणातील पाणीप्रश्न, रस्त्यांची दुरवस्था, शिक्षण व आरोग्य सुविधा तसेच युवकांसाठी रोजगाराच्या संधी निर्माण करण्यावर विशेष भर देणार असल्याचे स्पष्ट केले.“सामान्य जनतेचा विश्वास आणि पाठबळ हेच माझे खरे भांडवल आहे. कोंडकारुळ गणातील
प्रत्येक घटकाच्या विकासासाठी प्रामाणिकपणे काम करणार आहे,” असे प्रणव पोळेकर यांनी यावेळी सांगितले. त्यांच्या उमेदवारीमुळे कोंडकारुळ पंचायत समिती गणातील निवडणूक अधिक चुरशीची होणार असल्याची शक्यता व्यक्त केली जात असून आगामी काळात निवडणुकीच्या प्रचाराला वेग येण्याची चिन्हे दिसत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
