गुहागर तालुक्यातील जानवळे ओझरवाडी येथे नव्याने बांधण्यात आलेल्या साकव सध्या वादात अडकला आहे. या साकवाचा सर्वसामान्य जनतेला उपयोग होणार का? असा सवाल मनसे उपजिल्हाध्यक्ष विनोद जानवळकर यांनी जिल्हाधिकारी यांना दिलेल्या निवेदनातून केला आहे.
या साकवाकडे जाणाऱ्या रस्त्याची नोंद शासकीय दप्तरी २३ नंबरला कोठेही दिसत नसल्याचे त्यांनी म्हटले आहे.
जानवळे ग्रामपंचायतीने मागणीचे पत्र किंवा प्रस्ताव पंचायत समिती किंवा जि. प. कार्यालयाकडे सादर केलेला नाही. या साकवापलीकडे लोकवस्ती आहे. परंतु तेथील पुढील रस्ता बंद आहे. मुख्य रस्ता जानवळे हेमंत हॉटेल ते साईबाबा मंदिर मार्ग शेजारी ओझरवाडी येथे जाण्या-येण्यासाठी व वाहतुकीसाठी साकव पलीकडून कुठपर्यंत जाणार आहे.
महसूल विभागामार्फत जो गट नंबर २४८ बिनशेती करण्यात येतो, त्याच्या जागेमधून वाट देणे बंधनकारक असते. मात्र, या लाभार्थी इतर लोकांना जागा देत नाही. नवीन शासन निर्णयाप्रमाणे पुढील घरासाठी किंवा वाडीतील लोकांसाठी जागा देणे बंधनकारक असतानाही त्यांना पायवाट दिली जात नाही. या प्रकरणी चौकशी करण्यात येऊन लेखी अभिप्राय कळवण्याची मागणी विनोद जानवळकर यांनी केली आहे. यावर योग्य कार्यवाही न झाल्यास उपोषणाचा इशारादेखील त्यांनी दिला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
