गुहागर बसस्थानकावरुन सुटणारी गुहागर-धोपावे एसटी सोडण्यावरून बसच्या वाहकाला एका प्रवाशाने धमकी देत त्याला मारहाण केल्याची घटना गुरुवारी सायंकाळी ५.४५ वाजता ‘घडली. या प्रकरणी वाहक चाँद नजीर शेख याने एका प्रवाशाविरोधात गुहागर पोलीस ठाण्यात तक्रार दाखल केली आहे.
गुहागर एसटी आगारात २०१९ पासून वाहक तथा चालक म्हणून सेवा बजावणारे चाँद नजीर शेख व त्यांचे सहकारी चालक सुधीर दत्ताराम खांडेकर १० एप्रिल रोजी गुहागर-धोपावेमार्गे सावंतवाडी या गाडीवर कर्तव्य बजावत होते. गुहागर बसस्थानकाच्या फलाटावरुन सायंकाळी ५:४५ वाजता ही बस सोडण्यासाठी मागे घेत असताना सदर प्रवासी बसजवळ आले.
त्यांनी वाहक शेख यांना ही बस धोपावेला जाणार आहे का, अशी विचारणा केली. यावर शेख यांनी ‘ही बस धोपावे-सावंतवाडी थांब्यापर्यंत जाईल, अशा आम्हाला आगारातून सूचना असल्याचे शेख यांनी सांगितले. तसेच तुम्ही बसस्थानक नियंत्रण कक्षात विचारा, असे सांगितले. यावर त्या प्रवाशाने अपशब्द वापरंत शेख यांच्याबरोबर हुज्जत घातली. यावेळी काही प्रवाशांनी प्रकरण मिटवण्याची मध्यस्थी केली.
या दरम्यान, चालक सुधीर खांडेकर, कंट्रोलर सुधाकर पालशेतकर तेथे आले व त्यांना समजावण्याचा प्रयत्न करु लागले. मात्र त्या प्रवाशाने ऐकून न घेता शेख यांच्यावर धावून जावून त्यांना मारहाण केली.
तसेच धमकी दिल्याचे पोलीस तक्रारीत नमूद करण्यात आले आहे. या प्रकरणी वरिष्ठांची चर्चा करुन वाहक शेख यांनी त्या प्रवाशाविरोधात पोलीस ठाण्यात तक्रार दाखल केली.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
