गुहागरमधून काही दिवसांपासून बेपत्ता असलेल्या कारूळ विसापूर (बौद्धवाडी) येथील नितिन जगन्नाथ पवार (वय ३०) या तरुणाचा मृतदेह काल १७ सप्टेंबर २०२५ सकाळी त्रिशूल साखरी (ता. गुहागर) येथील जेटीच्या किनारी पाण्यात उपड्या स्थितीत आढळून आला. या घटनेने परिसरात खळबळ उडाली आहे.
नितिन पवार यांना गेल्या काही वर्षांपासून गंभीर स्वरूपाची कावीळ झाली होती. त्यामुळे त्यांच्या मेंदूला रक्तपुरवठा कमी होत असल्याने त्यांच्यावर डेरवण (ता. चिपळूण) येथील वालावलकर रुग्णालयात तीन वर्षांपासून उपचार सुरू होते.
घटनाक्रम:
१२ सप्टेंबर २०२५ रोजी रात्री ९ वाजण्याच्या सुमारास नितिन घरातून कुणालाही काही न सांगता निघून गेले. दुसऱ्या दिवशी पहाटेपर्यंत ते घरी न परतल्याने कुटुंबीयांनी त्यांच्या परिचितांकडे व आजूबाजूच्या परिसरात शोध घेतला. मात्र काहीच माहिती मिळाली नाही. परिणामी, १४ सप्टेंबर रोजी गुहागर पोलीस ठाण्यात नितिन बेपत्ता असल्याची तक्रार (नोंद क्र. १७/२०२५) दाखल करण्यात आली होती.
काल सकाळी उलगडा:
१७ सप्टेंबर रोजी सकाळी ९ वाजण्याच्या सुमारास त्रिशुल साखरी येथील जेटीच्या पाण्यात एक मृतदेह तरंगताना दिसल्याची माहिती स्थानिकांनी पोलिसांना दिली.
पोलिसांनी घटनास्थळी धाव घेऊन मृतदेह बाहेर काढला असता, तो नितिन पवार यांचा असल्याचे ओळख पटली.
पोलिसांनी मृतदेह शवविच्छेदनासाठी पाठवला असून, पुढील तपास सुरू आहे. नितिन यांच्या अकाली मृत्यूमुळे त्यांच्या कुटुंबावर दुःखाचा डोंगर कोसळला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
