गुहागर तालुक्यातील कुटगिरी गावच्या शिवसेना (शिंदे गट) युवतीसेना तालुका प्रमुख तसेच वकील आणि सामाजिक क्षेत्रात सक्रिय असलेल्या ॲड. जोत्स्ना विनय काताळकर यांनी पक्षातील अंतर्गत राजकारणाला कंटाळून शिवसेना उद्धव बाळासाहेब ठाकरे पक्षात प्रवेश केला. हा प्रवेश गुहागर विधानसभा मतदारसंघाचे आमदार भास्कर जाधव यांच्या प्रमुख उपस्थितीत पार पडला.
यावेळी आमदार भास्कर जाधव यांनी ठाकरे सेनेत घरवापसी करणाऱ्या ॲड. काताळकर व त्यांच्या सहकाऱ्यांचे स्वागत केले. तसेच गुहागर पंचायत समितीच्या शीर गणासाठी शिवसेना उद्धव बाळासाहेब ठाकरे पक्षातर्फे ॲड. जोत्स्ना विनय काताळकर यांची उमेदवारी जाहीर करण्यात आली.
ॲड. काताळकर यांच्या प्रवेशामुळे गुहागर तालुक्यात ठाकरे सेनेला बळकटी मिळणार असून आगामी स्थानिक स्वराज्य संस्थांच्या निवडणुकांच्या पार्श्वभूमीवर हा प्रवेश राजकीयदृष्ट्या महत्त्वाचा मानला जात आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
