गुहागर तालुक्यातील पांगारीतर्फे हवेली भूरकुंडा परिसरात खाडीत खेकडे पकडण्यासाठी गेलेल्या एका प्रौढाचा बुडून मृत्यू झाल्याची दुर्दैवी घटना घडली आहे. ही घटना शुक्रवार, ६ फेब्रुवारी रोजी सकाळी घडली असून सायंकाळच्या सुमारास ती उघडकीस आली.
असलम अब्दुल करीम दळवी (वय ५६, रा. पांगारीतर्फे हवेली भूरकुंडा, ता. गुहागर) असे मृत प्रौढाचे नाव आहे. याप्रकरणी त्यांचा मुलगा तोफिर असलम दळवी यांनी गुहागर पोलीस ठाण्यात खबर दिली आहे.
मिळालेल्या माहितीनुसार, असलम दळवी हे शुक्रवारी सकाळी नेहमीप्रमाणे खाडीत खेकडे पकडण्यासाठी घरातून बाहेर पडले होते. मात्र बराच वेळ लोटूनही ते घरी परतले नाहीत. त्यामुळे कुटुंबीयांनी त्यांचा शोध घेण्यास सुरुवात केली. सायंकाळच्या सुमारास मुलगा तोफिर दळवी यांनी खाडी परिसरात शोध घेतला असता असलम दळवी हे खाडीच्या पाण्यात बुडालेल्या अवस्थेत आढळून आले.
ही बाब तात्काळ गुहागर पोलिसांच्या निदर्शनास आणून देण्यात आली.
पोलिसांनी घटनास्थळी धाव घेत पंचनामा केला. या घटनेची नोंद गुहागर पोलीस ठाण्यात आकस्मिक मृत्यू म्हणून करण्यात आली असून मृत्यूचे नेमके कारण जाणून घेण्यासाठी पुढील तपास सुरू आहे.
या घटनेमुळे भूरकुंडा परिसरात हळहळ व्यक्त करण्यात येत असून दळवी कुटुंबीयांवर दुःखाचा डोंगर कोसळला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
