दापोली एज्युकेशन सोसायटी संचालित ए.जी. हायस्कूलने नुकत्याच झालेल्या 53 व्या तालुकास्तरीय विज्ञान प्रदर्शनामध्ये उज्वल यश संपादन केले आहे. सदरचे प्रदर्शन रत्नागिरी जिल्हा शिक्षण विभाग व दापोली तालुका पंचायत समिती शिक्षण विभाग यांच्या संयुक्त विद्यमाने दापोली शहरातील सरस्वती विद्यामंदिर इंग्लिश मीडियम स्कूल दापोली येथे संपन्न झाले.
या स्पर्धेत ए.जी. हायस्कूल मधील दिव्यांग प्राथमिक गट प्रथम क्रमांक दुर्वांक राजेश ढगे, स्मित दिपेंद्र जांभरकर, दिव्यांग माध्यमिक गट प्रथम क्रमांक वेदांत प्रवीण पाटील, नचिकेत अनिल वाडकर यांची जिल्हास्तरीय विज्ञान प्रदर्शन साठी निवड झाली आहे.
तर प्रश्नमंजुषा स्पर्धेत सार्थक शिवाजी पाटील, आर्यन बाळासाहेब नकाते यांनी द्वितीय क्रमांक प्राप्त केले आहे. प्रयोगशाळा सहाय्यक गट द्वितीय क्रमांक पंकज रेमजे यांनी प्राप्त केले आहे.यशस्वी विद्यार्थ्यांना विद्यालयाचे शिक्षक संदीप दाभोळे व जीवन कदम यांचे मार्गदर्शन लाभले.
सर्व यशस्वी विद्यार्थी व त्यांचे मार्गदर्शक शिक्षक यांचे संस्थेच्या नियामक मंडळाचे चेअरमन डॉ. प्रसाद करमरकर, सेक्रेटरी डॉ. विनोद जोशी,विद्यालयाचे
शालेय समिती चेअरमन रवींद्र कालेकर, मुख्याध्यापक शरद कांबळे, उपमुख्याध्यापक अर्जुन घुले, पर्यवेक्षक अनिल पेठकर, मगदूम एस.आय., ज्येष्ठ शिक्षिका मानसी तसेच शिक्षकवृंद व शिक्षकेतर कर्मचारी यांनी कौतुक केले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
