दापोली तालुक्यातील सुकोंडी-मंडलिकवाडी येथील सुरज उर्फ राजू बाळाराम मंडलिक या बेपत्ता 34 वर्षीय तरुणाचा मृतदेह गुरुवारी सुकोंडी वाघिवणे येथील केसरी धरणाच्या पश्चिमेस किनाऱ्यावर आढळून आला.
दापोली पोलिसांनी दिलेल्या माहितीनुसार 17 नोव्हेंबर रोजी राजू हा पहाटे सकाळी 5 वाजण्याच्या सुमारास उठून घरातून बाहेर पडला.
त्याला बाहेर जाताना त्याची आई शोभा मंडलिक यांनी पाहिले होते. परंतु तो बाथरूमला गेला असेल असे समजून त्यांनी त्याकडे दुर्लक्ष केले.
बराच वेळ तो न आल्याने त्याची शोधाशोध केली असता तो कोठेही आढळून आला नाही. यामुळे तो बेपत्ता झाल्याची नोंद 17 नोव्हेंबर रोजी दापोली पोलीस स्थानकात करण्यात आली होती.
12 डिसेंबर रोजी राजूचा मृतदेह सुकोंडी वाघिवणे, केसरी धरणाचे पश्चिमेस धरणाच्या किनाऱ्यावर आढळून आला. त्याचा मृतदेह दापोली उपजिल्हा रुग्णालयात विच्छेदनासाठी आणण्यात आला.
दापोली पोलीस स्थानकात आकस्मिक मृत्यू म्हणून नोंद करण्यात आली असून अधिक तपास पोलीस हेडकॉन्स्टेबल आर. बी. मोहिते करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569 Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
