दापोली-दाभोळ मार्गावर उंबरले मराठी शाळेजवळ १६ मे रोजी सकाळी १०.१५ च्या सुमारास एका दुचाकीच्या अपघातात एका वृद्धाचा मृत्यू झाला.
या प्रकरणी दापोली पोलिसांनी गुन्हा दाखल केला आहे. ऋतिक लक्ष्मण गुरव (वय २३, रा. आगरवायगंणी, दापोली, ता. दापोली, जि. रत्नागिरी) असे गुन्हा दाखल झालेल्या तरुणाचे नाव आहे.
पोलिसांनी दिलेल्या माहितीनुसार, फिर्यादी रवींद्र रामचंद्र रसाळ (वय ४७, व्यवसाय-नोकरी, रा. उंबळे गाववाडी, ता. दापोली, जि. रत्नागिरी) यांचे वडील रामचंद्र सखाराम रसाळ हे १६ मे रोजी सकाळी शेतावर कामासाठी पायी चालले होते. त्याचवेळी दापोलीकडून दाभोळकडे जाणारी एमएच ०५ एयू ४७८४ क्रमांकाची यामा कंपनीची एफझेडएस दुचाकी भरधाव वेगात आली आणि तिने रस्त्याच्या परिस्थितीकडे दुर्लक्ष करत रामचंद्र रसाळ यांना जोरदार धडक दिली.
या अपघातात रामचंद्र रसाळ यांना गंभीर दुखापत झाली आणि त्यांचा जागीच मृत्यू झाला. याप्रकरणी फिर्यादी रवींद्र रसाळ यांनी दापोली पोलीस ठाण्यात तक्रार दाखल केली आहे.
पोलिसांनी दुचाकीस्वार ऋतिक लक्ष्मण गुरव (वय २३, रा. आगरवावगंणी, दापोली, ता. दापोली, जि. रत्नागिरी) याच्या विरोधात भारतीय न्यायसंहिता अधिनियम २०२३ चे कलम १०६(१), १२५ (ए), १२५ (बी), २८१ आणि मोटार वाहन कायदा कलम १८४ अन्वये गुन्हा दाखल केला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
