दापोली-दहागाव रस्त्यावर पिसई येथील महामाही मंदिराच्याजवळ बस आणि दुचाकी यांच्यात झालेल्या अपघातात दुचाकीस्वार आणि त्याच्या मागे बसलेला भाऊ, असे दोघे जखमी झाले.
ही घटना ०४ मे रोजी दुपारी १ वाजून ४५ मिनिटांच्या सुमारास घडली. याप्रकरणी दापोली पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी रुपेश तुकाराम कुंभार (वय ५०) हे त्यांची मोटारसायकल (एमएच ०८ बीएफ २८७५) वर त्यांचे भाऊ प्रवीण यांना मागे बसवून दहागावच्या दिशेने दापोलीकडे येत होते.
पिसई येथील महामाही मंदिराच्याजवळ वळणावर असताना समोरून येणाऱ्या एसटी बस (एमएच १४ बीटी २०९८) च्या चालकाने निष्काळजीपणे आणि भरधाव वेगात गाडी चालवून त्यांच्या दुचाकीला धडक दिली.
या अपघातात रुपेश कुंभार यांच्या उजव्या पायाच्या तळव्याला आणि घोट्याला मार लागून दुखापत झाली आहे. तसेच, त्यांच्या मागे बसलेले त्यांचे भाऊ प्रवीण यांनाही दुखापत झाली आहे.
याप्रकरणी रुपेश कुंभार यांनी दापोली पोलीस ठाण्यात एसटी बस चालक विजय बाळाजी राख यांच्या विरोधात गुन्हा दाखल केला आहे. पोलीस पुढील तपास करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
