दापोली तालुक्यातील मौजे दापोली येथील लोहारवाडी येथे एका घरात दिवसाढवळ्या झालेल्या चोरीची घटना समोर आली आहे. अरुणा काताळकर यांच्या घरातील बंद दरवाजावर अडकवलेली कुलपाची चावी वापरून अज्ञात चोरट्यांनी घराचे कुलूप उघडून अंदाजे १.५ लाख रुपयांचे दागिने लंपास केले आहेत.
ही घटना १६ ऑक्टोबर रोजी सकाळी १०.३० ते दुपारी १.३० या वेळेत घडली. घरात कोणी नसताना चोरट्यांनी हुशारीने चावी वापरून घरात प्रवेश केला. त्यांनी ५० हजार रुपये किमतीचे सोन्याचे टॉप्स आणि १ लाख रुपये किमतीचे काळे मणी असलेले सोन्याचे मंगळसूत्र चोरून नेले.
या घटनेची लेखी तक्रार दापोली पोलीस स्थानकात दाखल करण्यात आली असून, पोलीस उपनिरीक्षक निर्मळ या प्रकरणाचा तपास करत आहेत. चोरट्यांनी कोणतीही जबरदस्ती न करता, शांततेने घर उघडून चोरी केल्यामुळे घराच्या परिसरातील सुरक्षा व्यवस्थेबाबत प्रश्नचिन्ह उपस्थित झाले आहे.
या घटनेमुळे लोहारवाडी परिसरात भीतीचे वातावरण पसरले आहे. पोलिसांनी परिसरातील शक्य असलेले साक्षीदार, तसेच चोरीपूर्वी घराच्या आसपास दिसलेल्या अनोळखी व्यक्तींची चौकशी सुरू केली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
