दापोली-दाभोळ राज्य महामार्गावर आज सकाळी चिखलगाव येथील सृष्टी हॉलिडे होम्सजवळ आयशर टेम्पो आणि दुचाकीमध्ये जोरदार धडक झाली. या अपघातात दुचाकीवरील तीन अल्पवयीन तरुण गंभीर जखमी झाले असून त्यांना तातडीने जवळच्या रुग्णालयात दाखल करण्यात आले.
मिळालेल्या माहितीनुसार, सचिन गजानन गुरव हे आपल्या ताब्यातील आयशर टेम्पो (नोंदणी क्रमांक MH 12 SX 9529) घेऊन दापोलीकडून गुहागरच्या दिशेने जात होते. अपघात सकाळी साडे नऊ वाजेच्या सुमारास घडला, जेव्हा समोरून येणाऱ्या दुचाकीने (नोंदणी क्रमांक MH 01 EH 3060) टेम्पोच्या उजव्या टायरला जोरदार धडक दिली.
या अपघातात दुचाकीवरील आर्यन संदीप सोलकर, सौरभ सतीश सोलकर आणि सागर संदीप जाधव हे तिघे गंभीर जखमी झाले. प्राथमिक माहितीनुसार, हे सर्व जखमी तरुण १६ वर्षांखालील आहेत. जखमींना तातडीने उपचारासाठी जवळच्या रुग्णालयात हलवण्यात आले आहे. घटनेची माहिती मिळताच दाभोळ सागरी पोलीस ठाण्याचे पथक घटनास्थळी दाखल झाले.
पोलिसांनी या अपघाताबाबत तीव्र चिंता व्यक्त केली असून, अल्पवयीन मुलांच्या हाती वाहने देणे धोक्याचे असल्याचे अधोरेखित केले. पालकांनी आपल्या मुलांना कायद्याने परवानगी मिळेपर्यंत वाहन चालवू देऊ नये, असे आवाहन पोलिसांनी केले आहे. अपघाताच्या तपासाचे काम सपोनि गणेश दौलत कादवडकर यांच्या मार्गदर्शनाखाली सुरू आहे, आणि दाभोळ सागरी पोलीस ठाण्यात गुन्हा नोंदवण्याची प्रक्रिया पूर्ण करण्यात आली आहे. पोलीस अधिकाऱ्यांनी नागरिकांना शिस्तीबद्ध वाहन चालवण्याची आणि नियम पाळण्याचीही सूचना दिली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
