चिपळूण-कराड मार्गावर खेर्डी येथे आज बुधवारी दुपारी 3.30 वाजता डंपरने एका दुचाकीस्वार महिलेला चेंडूसारखे उडवले. या धडकेत महिलेचा जागीच मृत्यू झाला. समीना नासिम चिपळूणकर (28, खेर्डी) असे मृत महिलेचे नाव आहे. तर तिचे वडील आदम चौगुले हे जखमी झाले आहेत.
अपघातानंतर डंपर चालक फरार झाला. पोलीस त्याचा शोध घेत आहेत. मात्र डंपर ताब्यात घेण्यात आला आहे. अपघातानंतर या ठिकाणी गर्दी झाली होती. समीना नासिम चिपळूणकर या आपल्या वडिलांसोबत दुचाकीवरून प्रवास करत होत्या.
खेर्डी बाजारपेठजवळ असलेल्या एका कॉम्प्लेक्ससमोर त्यांच्या दुचाकीला डंपरने जोरदार धडक दिली. या धडकेत समिना डंपरच्या चाकाखाली सापडल्याने त्यांच्या पोटावरून चाक गेले. यामध्ये त्यांचा जागीच मृत्यू झाला. तर त्यांचे वडील आदम चौगुले हे जखमी झाले.
अपघातानंतर डंपर चालक तेथून फरार झाला. पोलिसांना या घटनेची माहिती दिल्यानंतर पोलीस घटनास्थळी दाखल झाले. पोलिसांनी डंपर ताब्यात घेतला आहे.
या घटनेनंतर परिसरात शोककळा पसरली आहे. दरम्यान, या अपघातास कारणीभूत ठरलेल्या डंपर चालकाविरोधात चिपळूण पोलीस ठाण्यात गुन्हा दाखल करण्यात आला आला आहे
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
