चिपळूण शहरातील गोवळकोट-भोईवाडी येथे शुक्रवारी दुपारी ३ वाजण्याच्या सुमारास एका तरुणाचा वाशिष्ठी नदीत बुडून दुर्दैवी मृत्यू झाला. अनंत अशोक निवाते (वय ३५) असे मृत तरुणाचे नाव आहे.
तो मूळचा दापोली तालुक्यातील ओणानवसे गावचा रहिवासी असून, चिपळूणजवळील गोवळकोट येथे आपल्या आजोळी आला होता. मिळालेल्या माहितीनुसार, अनंत निवाते हा एका होडीमध्ये बसलेला होता. काही वेळानंतर तो अचानक गायब झाला.
आजूबाजूला त्याचा शोध घेतला असता तो कुठेही न आढळल्याने स्थानिकांनी तातडीने शोध मोहीम सुरू केली. अथक प्रयत्नांनंतर सायंकाळच्या सुमारास त्याचा मृतदेह वाशिष्ठी नदीच्या पात्रात आढळून आला.
या घटनेची माहिती मिळताच पोलिसांनी घटनास्थळी धाव घेतली आणि पंचनामा केला. अनंत निवाते यांचा मृतदेह शवविच्छेदनासाठी कामथे येथील रुग्णालयात पाठवण्यात आला. शवविच्छेदनानंतर मृतदेह नातेवाईकांच्या ताब्यात देण्यात आला. या घटनेमुळे परिसरात शोककळा पसरली आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
