चिपळूण शहरालगतच्या बायपास रोडवरील लेणी परिसरात ठेकेदार अनिल मारुती चिले (58, पाचाड) यांच्यावर तिघा अज्ञात व्यक्तींनी फिल्मी स्टाईल हल्ला चढवून बेदम मारहाण केल्याची धक्कादायक घटना गुरुवारी रात्री घडली. या हल्ल्यात चिले गंभीर जखमी झाले असून त्यांच्यावर रुग्णालयात उपचार सुरू आहेत.
पोलिसांनी दिलेल्या माहितीनुसार, अनिल चिले हे रात्री सुमारास 9.10 च्या दरम्यान आपल्या कारने गुहागर बायपास मार्गाने घरी जात होते. लेणी परिसरातील एका वळणावर ते पोहोचताच त्यांच्या पाठीमागून आलेल्या एका दुचाकीवर तिघा अनोळखी व्यक्तींनी कारचा घेराव केला. दुचाकी आडवी लावून त्यांनी चिले यांना थांबवले.
त्यापैकी एकाने ‘आमच्या दुचाकीला डॅश देऊन पळ काढताय काय?’ अशी धमकीवजा भाषा केली, तर इतर दोघांनी ‘खाली उतरा’ असा आग्रह धरला. चिले यांनी शांतपणे, “डॅश झाली असेल तर मी नुकसानभरपाई देण्यास तयार आहे,” असे सांगितले; मात्र त्या तिघांनी त्यांना कारमधून बाहेर ओढून रस्त्यावर पाडले आणि बेदम मारहाण केली.
मारहाणीनंतर आरोपी तेथून फरार झाले. या प्रकरणी चिपळूण पोलीस ठाण्यात तिघा अज्ञातांविरोधात गुन्हा दाखल करण्यात आला असून त्यांचा शोध सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
